1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستان اور امریکہ کے تعلقات بہتر ہوئے ہیں، ہالبروک

پاکستان اور افغانستان کے لئے امریکہ کے خصوصی مندوب رچرڈ ہالبروک نے کہا ہے کہ امریکہ اقتصادی ترقی کے لئے امداد دے گا اور اس بات کو یقینی بنایا جائے گا کہ نئے عسکری آلات پاکستان کو فراہم کر دیے جائیں۔

default

پاکستان اور افغانستان کے لئے امریکہ کے خصوصی مندوب رچرڈ ہالبروک

USA Außenministerin Hillary Rodham Clinton in Washington

امریکی وزیر خارجہ ہلیری کلنٹن

بدھ کو واشنگٹن میں صحافیوں سے گفتگو میں انہوں نے کہا، ’پاکستان کو اقتصادی بحران، توانائی اور پانی کے مسائل پر قابو پانے کے لئے ہمارا تعاون درکار ہے اور امریکہ ان ضروریات کو پورا کرنے کے لئے پاکستانی حکومت کے ساتھ مل کر کام کر رہا ہے۔‘

انہوں نے بتایا کہ کانگریس کی جانب سے منظور کردہ ساڑھے سات ارب ڈالر کے امدادی پیکیج کے تحت رقم پاکستان پہنچنا شروع ہوجائے گی۔

انہوں نے یہ بھی کہا کہ گزشتہ 15 ماہ کے مقابلے میں پاکستان اور امریکہ کے تعلقات میں خاطر خواہ بہتری آئی ہے۔ انہوں نے کہا کہ دونوں ممالک کے درمیان حالیہ اسٹریٹیجک ڈائیلاگ ایک اہم پیش رفت تھی، جس کا مقصد باہمی مفادات کی بنیاد پر تعلقات کو مستحکم بنانا تھا۔

یہ مذاکرات واشنگٹن میں گزشتہ ماہ کے اواخر میں ہوئے۔ امریکی وزیر خارجہ ہلیری کلنٹن نے بھی واشنگٹن اور اسلام آباد کے خصوصی اجلاس کو ایک اہم پیش رفت قرار دیتے ہوئے انہیں دونوں ملکوں کے تعلقات کے لئے ایک نئے دن کا آغاز قرار دیا تھا۔

ان کا کہنا تھا کہ دونوں ممالک کے درمیان ماضی میں غلط فہمیاں اور نااتفاقیاں رہی ہیں اور مستقبل میں بھی ایسے حالات پیش آ سکتے ہیں، جن پر اتفاق رائے نہ ہو سکے۔ ہلیری کلنٹن کا کہنا تھا کہ یہ سب دوستوں اور رشتہ داروں کے درمیان بھی ہوتا ہے۔

Pakistan Landschaft in Waziristan Luftaufnahme

پاکستان کے قبائلی علاقے وزیرستان کا فضائی منظر

رچرڈ ہالبروک نے بدھ کو صحافیوں سے گفتگو میں یہ بھی کہا کہ افغانستان میں امریکی اور نیٹو اتحادی افواج پر حملے پاکستان کے قبائلی علاقوں میں موجود انتہاپسندوں کے ٹھکانوں سے کئے جاتے ہیں۔ انہوں نے کہا کہ پاکستان کو جس انتہاپسندی کا سامنا ہے، وہ اسلام آباد اور واشنگٹن دونوں ہی کے لئے خطرہ ہے۔

پاکستان سرد جنگ کے زمانے سے امریکہ کا اتحادی ہے اور دونوں نے 1989ء میں افغانستان سے روسی فوجیوں کو نکالنے کے لئے اسلامی انتہاپسندوں کی مدد کی۔ بعدازاں امریکہ نے ستمبر 2001ء میں نیویارک پر دہشت گردانہ حملوں تک پاکستان سے دُوری بنائے رکھی۔ تاہم اب ایک مرتبہ پھر اسلام آباد حکومت دہشت گردی کے خلاف جنگ میں امریکہ کا ساتھ دے رہی ہے۔

رپورٹ: عدنان اسحاق

ادارت: ندیم گِل

DW.COM