1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستانی پولیس کی فائرنگ، سات قیدی ہلاک

پاکستانی شہر حیدرآباد میں جیل توڑنے کی کوشش روکنے کے لیے پولیس کی جانب سے کیے گئے آپریشن کے دوران سات قیدی ہلاک جبکہ 20 دیگر زخمی ہوگئے ہیں۔

default

صوبہ سندھ کے انسپیکٹر جنرل جیل خانہ جات عبدالقادر تھیبو نے خبررساں ادارے اے ایف پی سے بات کرتے ہوئے کہا: " حیدرآباد جیل میں پولیس کے ساتھ مسلح تصادم کے نتیجے میں کم از کم سات قیدی ہلاک جبکہ 20 دیگر زخمی ہوئے ہیں۔" آئی جی کے مطابق فائرنگ کے تبادلے میں نو پولیس اہلکار بھی زخمی ہوئے۔

عبدالقادر تھیبو کے مطابق مسلح تصادم اس وقت شروع ہوا جب پولیس کی طرف سے قیدیوں سے مطالبہ کیا گیا کہ وہ غیرقانونی طور پر زیر استعمال موبائل فون، ہتھیار اور دیگر چیزیں پولیس کو واپس کرکے اپنی بیرکوں میں چلے جائیں۔ تھیبو کے مطابق: " کچھ قیدیوں کے پاس آتشی ہتھیار تھے جس سے انہوں نے پولیس پر فائرنگ شروع کردی جس کا پولیس کی جانب سے جواب دیا گیا۔‘‘

صوبہ سندھ کے آئی جی جیل خانہ جات کے مطابق جیل کے اندر بظاہر قیدیوں کا کنٹرول تھا اور وہ جیل توڑنے کا منصوبہ بنا رہے تھے۔ تھیبو کا کہنا تھا: " اس بات کی تحقیقات کے احکامات جاری کردیے گئے ہیں کہ غیرقانونی چیزیں جیل کے اندر پہنچیں کیسے؟" انہوں نے مزید بتایا کہ ہلاک شدگان اور زخمیوں کو حیدرآباد کے ہسپتال میں منتقل کردیا گیا ہے۔

رپورٹ: افسراعوان

ادارت: شادی خان سیف

DW.COM

ویب لنکس