1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

پاکستانی ٹرک آرٹ بین الاقوامی سطح پر معروف

پاکستانی ٹرک سٹرکوں پر  سفر کرتے ہوئے ماحولیاتی آلودگی کا باعث بنتے ہیں اور ان کی سست رفتار دوسروں کو پریشان بھی کرتی ہے لیکن ان کے مالکان اپنے ٹرکوں کو دلہن کی طرح سجاتے ہیں اور اس پر فخر کرتے ہیں۔

پاکستان کی ’ٹرک آرٹ‘ کی دنیا کے کئی ممالک میں نمائش ہو چکی ہے۔ پاکستانی ٹرکوں پر نفیس اور انتہائی دیدہ زیب پھول، اسلامی طرز کی مصوری،  فنکاروں، سیاست دانوں یا پھر جانوروں کی تصاویر اور ہمالیہ کے پہاڑی سلسلوں کی انتہائی خوبصورت مصوری دیکھنے کو ملتی ہے۔

Pakistan Kunst auf Lastkraftwagen (Reuters/C. Firouz)

ٹرک آرٹ پاکستان کی بہترین ثقافتی درآمد بن گئی ہے

آج برطانیہ، امریکا اور کئی اور ممالک کے بین الاقوامی اسٹورز پر پاکستانی ٹرک آرٹ سے متاثر ہو کر بڑے بڑے ڈیزائینرز نے اپنی تخلیقات بنائی ہیں۔ نیوز ایجنسی روئٹرز سے گفتگو کرتے ہوئے ٹرک ڈرائیور حاجی علی بہادر نے کہا، ’’خیبر، مومند اور دیگر قبائلی علاقوں کے ڈرائیور اپنی گاڑیوں کے کونوں میں پھول  پسند کرتے ہیں۔ جبکہ سوات، جنوبی وزیرستان اور کشمیر کے ڈرائیور پہاڑ یا پھر جانوروں کی تصاویر اپنے ٹرکوں پر بنوانا پسند کرتے ہیں۔‘‘

Pakistan Kunst auf Lastkraftwagen (Reuters/C. Firouz)

پاکستان کی ’ٹرک آرٹ‘ کی دنیا کے کئی ممالک میں نمائش ہو چکی ہے

ٹرک آرٹ پاکستان کی بہترین ثقافتی درآمد بن گئی ہے۔ آج جب پاکستان کی معیشیت ترقی کر رہی ہے اور پاک چین اقتصادی راہ داری پر تیزی سے کام جاری ہے تو یہ توقع کی جا سکتی ہے کہ عنقریب چین میں بھی پاکستانی ٹرکوں کے مداحوں میں اضافہ ہو جائے گا۔

DW.COM