1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستانی فضائیہ کا ایک میراج طیارہ حادثے کا شکار، پائلٹ ہلاک

پاکستانی فضائیہ نے کراچی کی مسرور ائیر بیس کے قریب ایک میراج طیارہ گرنے کی تصدیق کی ہے۔ پاکستانی انگریزی اخبار ڈان کے مطابق طیارے کے پائلٹ فیاض اس حادثے میں جانبر نہیں ہو سکا۔

پاک فضائیہ کے ترجمان کی جانب سے جاری بیان میں کہا گیا تھا کہ اس حادثے میں کسی کی ہلاکت یا زخمی ہونے کی اطلاعات نہیں ہیں۔ تاہم

پاک فضائیہ کی جانب سے جاری بیان کے مطابق یہ طیارہ کراچی کے مسرور ایئر بیس سے معمول کی پرواز کے لیے اڑا تھا اور پرواز کے دوران یہ مشرف کالونی کے قریب گرکر تباہ ہو گیا۔

پاک فضائیہ کے ترجمان کے مطابق امدادی ٹیمیں فوری جائے حادثہ پر پہنچ گئی تھیں اور اس حادثے کی وجوہات جاننے کے لیے ایک تحقیقاتی بورڈ تشکیل دے دیا گیا ہے۔

مئی 2015ء میں پاکستانی فوج کا ایک ہیلی کاپٹر حادثے کا شکار ہو گیا تھا۔ اس ہیلی کاپٹر میں مختلف ممالک کے سفیر سوار تھے جنہیں پاکستان کے شمالی علاقہ جات میں ایک سیاحتی مقام پر لے جایا جا رہا تھا۔ اس حادثے میں ناروے اور فلپائن کے سفیروں سمیت کئی افراد ہلاک ہوئے تھے۔

اسی طرح گزشتہ برس اگست کے مہینے میں پاکستانی فوج کا ایک اور ہیلی کاپٹر مانسہرہ کے قریب کریش کر گیا تھا۔ یہ ہیلی کاپٹر ایئر ایمبولنس کے طور پر استعمال کیا جا رہا تھا اور اس حادثے میں بارہ افراد ہلاک ہوئے تھے۔

Pakistan Pilotin Marium Mukhtiar

گزشتہ برس نومبر کے مہینے میں پاکستانی فضائیہ کی خاتون پائلٹ مریم مختیار بھی ایک ٹریننگ مشن کے دوران طیارہ کریش ہونے کے باعث ہلاک ہو گئی تھیں

گزشتہ اٹھارہ ماہ کے دوران پاکستانی ایئر فورس کو مختلف حادثوں کا سامنا رہا ہے۔ اس سے قبل گزشتہ برس نومبر کے مہینے میں پاکستانی فضائیہ کی خاتون پائلٹ مریم مختیار بھی ایک ٹریننگ مشن کے دوران طیارہ کریش ہونے کے باعث ہلاک ہو گئی تھیں۔