1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستانی حکومت، فوج اور آئی ایس آئی کو ساتھ لے کر چلے: رچرڈ باوٴچر

امریکہ کے نائب وزیرِ خارجہ برائے جنوبی ایشیا رچرڈ باوٴچر نےحکومت پاکستان سے کہا ہے کہ وہ فوج اور اپنی خفیہ ایجنسی آئی ایس آئی کو ساتھ لے کر دہشت گردی کا مقابلہ کرے۔

default

امریکی نائب وزیرِ خارجہ رچرڈ باؤچر دیگر اعلیٰ حکام کے ہمراہ

یہ بات رچرڈ باوٴچر نے کولمبو منعقدہ سارک کانفرنس کے دوران کہی جہاں ایک بار پھر پاکستانی خفیہ ایجنسیوں کا افغانستان کے عدم استحکام میں کردار زیرِ بحث رہا۔

واشنگٹن میں مقیم معروف تجزیہ نگار انور اقبال سے جب ہم نے اس بارے میں پوچھا کہ امریکہ کی ایشیائی تنظیموں کے اجلاس میں شمولیت کا آخر کیا مقصد ہے؟ اور آیا کہ اس شمولیت میں خاصا اضافہ نہیں ہو گیا ہے؟ انور اقبال کا کہنا تھا کہ افغانستان سے روسی افواج کے انخلاء کے بعد امریکی نے ایشیا اور جنوبی ایشیا سے اپنی توجّہ ہٹا لی تھی جس کی وجہ سے ان علاقوں میں امریکی مفادات خطرے میں پڑ گئے۔ انور اقبال کا کہنا تھا کہ اب امریکہ زیادہ سے زیادہ اس علاقے کے معاملات میں ایک کردار ادا کرنا چاہتا ہے۔