1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹی ٹوئنٹی عالمی کپ: انگلینڈ نے جنوبی افریقہ کو ہرا دیا

ٹی ٹوئنٹی کرکٹ ورلڈکپ سپر ایٹ مرحلے میں گروپ ای کے ایک اہم میچ میں انگلینڈ نے جنوبی افریقہ کو انتالیس رنز سے شکست دے کر پاکستان کے ٹورنامنٹ میں رہنے کی ایک امید پیدا کردی ہے۔

default

برج ٹاؤن میں کھیلے کئے میچ میں انگلینڈ نے ٹاس جیت کا پہلے بلے بازی کا فیصلہ کیا اور جنوبی افریقہ کو جیتنے کے لئے 169رنز کا ہدف دیا۔ انگلینڈ کے افتتاحی بلے بازوں میں سے کریگ کیسویٹر نے بیالیس گیندوں پر اکتالیس رنز بنائےجس میں تین چوکے اور دو چھکے شامل تھے۔ انگلش ٹیم کی اننگز کی خاص بات کیون پیٹرسن کے تینتیس گیندوں پر دھوں دار ترپن رنز کی باری رہی۔ اس اسکور میں انہوں نے آٹھ چوکے اور ایک چھکالگایا۔جنوبی افریقہ کے جان بوتھا نمایاں گیند باز رہے جنہوں نے چار اوروں میں محض پندرہ رنز دئے اور دو انگلش کھلاڑیوں کو پویلین کی راہ دکھائی۔

T 20 Cricket World Cup 2010 Pakistan Bangladesh

بنگلہ دیش کے خلاف پاکستان کے گروپ میچ کا منظر

169 رنز کے تعاقب میں جنوبی افریقہ کی ٹیم نے اپنی اننگز شروع کی تو ان کا کوئی بھی کھلاڑی کوئی خاص کارکردگی نہ دکھا سکا۔ صرف جے پی ڈومنی واحد ایک کھلاڑی رہے جنہوں نے انگلش گیند بازوں کا مقابلہ کیا اور پچیس گیندوں پر دو چھکوں اور اتنے ہی چوکوں کی مدد سے انتالیس رنز جوڑے۔ جنوبی افریقہ کی تمام ٹیم انیس اوورز میں محض 129 رنز پر ڈھیر ہوگئی اور اس طرح یہ مقابلہ انگلینڈ کے نام رہا۔ انگلینڈ کی طرف سے آر جے سائیڈ بوتھم نے چار اوورز میں تئیس رنز دے کر تین وکٹیں کیں۔

کھیل کا بہترین کھلاڑی کیون پیٹرسن کو قرار دیا گیا۔

رپورٹ : شادی خان سیف

ادارت : عاطف بلوچ

DW.COM