1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹی ٹوئنٹی عالمی کپ: آسٹریلیا اور سری لنکا کی جیت

ویسٹ انڈیز میں جاری ٹی ٹوئنٹی ورلڈ کپ کرکٹ کے سپر ایٹ مرحلے میں آسٹریلیا نے بھارت جبکہ سری لنکا نے میزبان ٹیم ویسٹ انڈیز کو شکست دے دی ہے۔

default

بھارتی کپتان مہنیدر سنگھ دھونی آسٹریلیا کے خلاف کھیلتےہوئے زیر ہو گئے

بریج ٹاؤن میں کھیلے گئے پہلے میچ میں آسٹریلیا نے بھارت کو انچاس رنز سے شکست دی جبکہ دوسرے میچ میں سری لنکا نے ویسٹ انڈیز کوستاون رنزسے ہرایا۔

ٹورنامنٹ کے پندرہویں میچ میں بھارت نے ٹاس جیتا اور آسٹریلیا کو پہلے کھیلنے کی دعوت دی۔ آسٹریلیا نے دھواں دار بلے بازی کرتے ہوئے مقررہ بیس اوروں میں پانچ کھلاڑیوں کے نقصان پر ایک سو چوراسی رنز بنائے۔ آسٹریلوی اننگز میں سلامی بلے بازوں شین واٹسن اور ڈیوڈ وانر نےعمدہ کھیل کا مظاہرہ کرتے ہوئے آسٹریلیا کو ایک اچھا آغاز مہیا کیا۔ واٹسن نے بتیس گیندوں پر چوون رنز بنائے جبکہ وانر نے بیالس گیندوں پر بہتر رنز کی عمدہ اننگز کھیلی۔ ون ڈاؤن آنے والے ڈیوڈ ہسی نے بائیس گندوں پر بتیس رنز بنائے۔

بھارت کی طرف سے سپنر ہربھجن سنگھ اگرچہ کوئی وکٹ حاصل نہ کر سکے لیکن انہوں نے چار اوروں میں صرف پندرہ رنز دئے۔ دیگر بولروں میں یووراج سنگھ اور اشیش نہرا نے دو دو جبکہ یوسف خان پٹھان نے ایک وکٹ حاصل کی۔

ٹورنامنٹ کی فیورٹ ٹیم بھارت نے جب ایک سو پچاسی رنز کے ہدف کا تعاقب شروع کیا تو ان کا ٹاپ آرڈر بری طرح ناکام ہوا۔ بھارت کی طرف سے صرف دو کھلاڑی ڈبل فِگر میں داخل ہو سکے۔ روہت شرما نے ناٹ آوٹ رہتے ہوئے 79 رنز بنائے جبکہ ہر بھجن سنگھ نے 13 رنز اسکو کئے۔ بھارتی ٹیم سترہ اعشاریہ چار اوروں میں 135 رنز پر کر ڈھیر ہو گئی۔ کھیل کا بہترین کھلاڑی ڈیوڈ وانر کو قرار دیا گیا۔

Westindische Inseln Sport Cricket Chris Gayle

ویست انڈیز ٹیم کے کپتان کرس گیلز ابھی تک کوئی نمایاں کارکردگی نہیں دکھا سکے

دن کے دوسرے جبکہ ٹورنامنٹ کے سولہویں میچ میں سری لنکا نے ٹاس جیت کر پہلے کھیلتے ہوئے مقررہ بیس اوروں میں تین کھلاڑیوں کے نقصان پر ایک سو پچانوے رنز بنائے۔ سری لنکا کے اوپنر بیٹسمین جے وردھنے نے اٹھانوے رنز کی ناقابل شکست اننگز کھیلی جبکہ ون ڈاؤن کھلاڑی سنگاکارا نے 68 رنز بنائے۔

ایک سو چھیانوے رنز کے تعاقب میں ویسٹ انڈیز کی ٹیم ریت کا پہاڑ ثابت ہوئی اور مقررہ بیس اوروں میں آٹھ کھلاڑیوں کے نقصان پر صرف 138 رنز ہی بنا سکی۔ ویسٹ انڈیز ٹیم کی طرف سے رام نریش سروان اٹھائیس رنز بنا کر نمایاں بلے باز رہے۔ اس میچ کا بہترین کھلاڑی جے وردھنے کو قرار دیا گیا۔

ہفتے کے دن گروپ ای میں شامل ٹیموں کا مقابلہ بارباڈوز میں ہوگا۔ پاکستان کی ٹیم ، نیوزی لینڈ کے خلاف جبکہ انگلینڈ، جنوبی افریقہ کی ٹیم کے مد مقابل ہو گی۔

رپورٹ: عاطف بلوچ

ادارت: شادی خان سیف

DW.COM