1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹی ٹوئنٹی: آسٹریلیا کی سری لنکا سے جیت

ٹی ٹوئنٹی کرکٹ ورلڈ کپ کے سپر ایٹ مرحلے کے ایک اہم میچ میں آسٹریلیا نے سری لنکا کو 81 رنز کے بڑے فرق سے شکست دے کر سیمی فائنل مرحلے میں اپنی شرکت یقینی بنالی ہے۔

default

برج ٹاؤن بارباڈوس میں کھیلے گئے اس میچ میں آسٹریلوی دستے کے قائد مائیکل کلارک نے ٹاس جیت کر بلے بازی کا فیصلہ کیا۔ آسٹریلیا کے سرفہرست بلے باز خاطر خواہ کارکردگی کا مظاہرہ نہ کرسکے اور ایک موقع پر 67 رنز پر 5 بلے بازوں کی میدان سے واپسی ہوچکی تھی۔

اس کے بعد چھٹے نمبر پر آنے والے کیمرون وائٹ نے سری لنکن بلے بازوں کی خبر لینا شروع کی اور مائیکل ہسی کے ساتھ مل کر انہوں نے مجموعی اسکور کو 168 رنز تک پہنچادیا۔

Indien Sri Lanka Cricket Kricket Mahela Jayawardene

سٹار سری لنکن بلے باز جے وردھنے محض نو رنز بناسکے اس سے قبل کے میچوں میں وہ 81, 101 اور 98 رنز کی باری کھیل چکے ہیں

کیمرون نے محض 49 گیندوں پر 85 رنز جوڑے جس میں چھ بلند وبالا چھکے اور اتنے ہی دلکش چوکے شامل تھے۔ ہسی نے ایک چھکے اور چار چوکوں کی مدد سے 39 رنز بنائے۔ نمایاں سری لنکن گیند باز اینجلو میتھیوز اور سورج راندیو رہے۔ میتھیوز نے چار اوروں میں 24 رنز دے کر دو جبکہ راندیو نے 20 رنز دے کر تین وکٹیں حاصل کیں۔

سری لنکن بلے باز 169 رنز کے ہدف کو سر کرنے میدان میں اترے تو آسٹریلوی گیند بازوں نے اپنی نپی تلی تیز گیند بازی سے انہیں کھل کر کھیلنے کا موقع نہیں دیا۔ 20 رنز کے ساتھ تلکارتنے دلشان نمایاں رہے۔ سری لنکن ٹیم 87 رنز بناسکی۔

مچل جانس نے تین وکٹیں لیں جبکہ کھیل کا بہترین کھلاڑی کیمرون وائٹ کو قرار دیا گیا۔

رپورٹ : شادی خان سیف

ادارت : عاطف بلوچ

DW.COM