1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹینس کا گرینڈ سلیم ٹورنامنٹ: آسٹریلیئن اوپن

مقبول کھیل ٹینس کا سال کا پہلا گرینڈ سلیم ٹورنامنٹ اپنی منزل کے قریب ہے۔ اب دیکھنا یہ ہے کہ خواتین اور مردوں میں کون چیمپیئن بنتا ہے۔ خواتیں کا فائنل ہفتے کو اور مردوں کا فائنل میچ اتوار کو کھیلا جائے گا۔

default

آسٹریلیئن اوپن کا ایک منظر

آسٹریلیئن اوپن میں مردوں کا آخری سیمی فائنل آج کھیلا جا رہا ہے۔ اِس میں عالمی نمبر ایک رافائل نادال کو اپنے ہم وطن Fernando Verdasco کا سامنا ہے۔ سپین ہی کے Fernando Verdasco عالمی درجہ بندی میں چودہویں پوزیشن پر فائز ہیں۔

Rafael Nadal im Semifinale in Wimbledon

عالمی نمبر ایک رافائل نادال

اِس بات کا قوی امکان ہے کہ اتوار کا فائنل میچ عالمی نمبر دو راجر فیڈرر اورعالمی نمبر ایک رافائل نادال کے درمیان ہو سکتا ہے۔ ماہرین کا خیال ہے کہ راجر فیڈرر سخت مقابلہ دینے کی کوشش ضرور کریں گے مگر رافائل ندال بہت ہی عمدہ فارم میں ہیں اور دوسری طرف راجر فیڈرر اپنی کھوئی ہوئی فارم کی تلاش میں ہیں۔

Wimbledon 2008 Venus Williams

امریکی کھلاڑی سیرینا ولیمز

ہفتے کے دِن خواتین کا فائنل میچ کھیلا جا رہا ہے۔ امریکہ کی سیرینا ولیمز کو فیورٹ کھلاڑی قرار دیا جا رہا ہے۔ اُن کی مد مقابل دینارا سافینا ہیں جن کا تعلُق روس سے ہے۔ اور وہ سیرینا ولیمز کو سخت مقابلہ دینے کی صلاحیت رکھتی ہیں اگر دینا را سافینا کو کامیابی حاصل ہوتی ہے تو یہ اُن کا پہلا گرینڈ سلیم ٹائٹل ہو گا جب کہ سیرینا ولیمز کو فتح حاصل ہوتی ہے تو یہ اُن کا چو تھا آسٹریلیئن اوپن اور دسواں گرینڈ سلیم ٹائٹل ہو گا۔

جو بھی کھلاڑی فائنل میچ جیتے گا وہ خواتین کی عالمی درجہ بندی میں پہلی پوزیشن پر فائز ہو گا یہ درجہ بندی آئندہ پیر کو جاری کی جائے گی۔

روسی کھلاڑی دینارا سافینا کے بھائی مرات سافن بھی ٹینس کے مشہور کھلاڑی ہیں۔ مرات سافن نے سن دہ ہزار پانچ میں آسٹریلیئن اوہن میں کامیابی حاصل کی تھی۔ اِس سال اُن کو ٹورنامنٹ کے ابتدائی راؤنڈ میں راجر فیڈرر سے شکست حاصل ہوئی تھی۔