1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹینس:مرے اور فیڈرر کی کامیابی

برطانیہ کے اینڈی مرے اے ٹی پی ماسٹرز کپ ٹینس ٹورنامنٹ کے سیمی فائنل میں پہنچ گئے جبکہ عالمی نمبر دو روجر فیڈرر نے ایونٹ میں پہلا میچ جیت لیا۔

default

عالمی نمبر دوروجر فیڈرر نے یو ایس اوپن بھی جیت لیا تھا

شنگھائی میں جاری ٹورنامنٹ کے ریڈ گروپ میں عالمی نمبر چار اینڈی مرے اور فرانس کےGilles Simon آمنے سامنے تھے۔ پہلے سیٹ میں کافی کانٹے دار مقابلہ ہوا دونوں کھلاڑیوں نے برق رفتار سٹروکس کھیل کر کورٹ میں خوب دھوم مچائی۔ بالآخر اینڈی مرے نے سیٹ ٹائی بریک پر جیت کر سبقت حاصل کر لی۔

دوسرے سیٹ میں Gilles Simon نے میچ میں واپسی کی بھرپور کوشش کی لیکن وہ برطانوی کھلاڑی کی جارحانہ حکمت عملی کا توڑ نہیں کر سکے۔ اینڈی مرے نے اس میچ میں 7-6 اور4-6 سے کامیابی حاصل کر کے مسلسل دوسری فتح کی بدولت سیمی فائنل میں جگہ بنا لی۔


ریڈ گروپ کے ایک اور میچ میں سوئٹزرلینڈ کے روجر فیڈرر نے چیک ری پبلک کے Radek Stepanek کو شکست دے دی۔ پہلے سیٹ میں مقابلہ کافی سخت رہا۔ شائقین کو دونوں کھلاڑیوں کی طرف سے کئی دلکش سٹروکس دیکھنے کو ملے۔

تاہم دوسرے سیٹ میں فیڈرر نے اپنی مہارت اورتجربے کو بروئے کار لاتے ہوئے حریف کو تگنی کا ناچ نچا دیا۔ فیڈرر نے یہ سیٹ باآسانی جیت کر ایونٹ میں پہلی کامیابی حاصل کر لی ان کی جیت کا سکور 4-6 اور 2-6 رہا۔

ملتے جلتے مندرجات