1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹونٹی ٹونٹی عالمی کپ: بھارت نے آئرلینڈ کو ہرا دیا

بدھ کو کھیلے گئے ٹونٹی ٹونٹی عالمی کپ کے ایک میچ میں بھارت نے آئرلینڈ کی ٹیم کو آٹھ وکٹوں سے شکست دے دی۔

default

بھارتی فاسٹ بولر عرفان پٹھان

یہ میچ بارش کی وجہ سے بیس اوورزکے بجائے اٹھارہ اوورز کھیلا گیا۔ آئرلینڈ کی ٹیم محض ایک سو بارہ رنز ہی اسکور کرسکی۔ بھارتی فاسٹ بولر ظہیر خان نے انیس رنز کے عوض چار وکٹیں حاصل کیں۔ جواب میں بھارتی بلّے بازوں نے محض پندرہ اوورز میں دو وکٹوں کے نقصان پر ایک سو بارہ رنز کا ہدف عبور کرلیا۔

Cricket Bangladesh gegen Indien

بھارتی ٹیم کے پرستار


واضح رہے کہ دونوں ہی ٹیمیں سپر ایٹ راؤنڈ کے لیے کوالیفائی کر چکی ہیں۔ بھارت جمعہ کے روز سپر ایٹ میں اپنا پہلا میچ ویسٹ انڈیز کے خلاف کھیلے گا جب کہ آئرلینڈ سپر ایٹ میں اپنا پہلا میچ جمعرات کے روز نیوزی لینڈ سے کھیلے گا۔

جمعہ کو ہی پاکستان کا مقابلہ سری لنکا کے ساتھ ہو گا۔ اِس میچ میں پاکستانی آل راؤنڈر محمّد رزّاق کو زخمی کھلاڑی یاسر عرفات کی جگہ کھلایا جائے گا۔ محمّد رزاّق لندن کے لیے روانہ ہو چکے ہیں۔ انڈین کرکٹ لیگ سے کنارہ کشی کے بعد پاکستان کرکٹ بورڈ نے حال ہی میں محمّد رزّاق کو پاکستانی ٹیم کے لیے کھیلنے کی اجازت دی تھی۔

DW.COM