1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹوئنٹی ٹوئنٹی کرکٹ ورلڈ کپ: سیمی فائنل مرحلہ شروع

آئی سی سی ٹوئنٹی ٹوئنٹی ورلڈ کپ کا سُپر ایٹ مرحلہ اپنے اختتام کو پہنچ گیا ہے۔ جنوبی افریقہ، ویسٹ انڈیز، سری لنکا اور پاکستان کی ٹیمیں سیمی فائنل کے لئے کوالیفائی کرگئی ہیں۔

default

پاکستان نے بھی سیمی فائنل کے لئے کوالیفائی کیا ہے

گروپ ای سے جنوبی افریقہ اور ویسٹ انڈیز کی ٹیمیں سیمی فائنل کے لئے کوالیفائی کرگئی ہیں۔ اس گروپ سے انگلینڈ اور بھارت کی ٹیمیں ٹورنامنٹ سے باہر ہوگئیں۔

سری لنکا کی کرکٹ ٹیم گروپ ایف سے چھہ پوانئٹس کے ساتھ پہلے نمبر پر ہے جبکہ پاکستان چار پوائنٹس کے ساتھ دوسرے نمبر پر ہے۔ گروپ ایف سے یہ دونوں ٹیمیں سیمی فائنل تک رسائی حاصل کرنے میں کامیاب ہوگئیں جبکہ اسی گروپ سے نیوزی لینڈ اور آئرلینڈ کی ٹیمیں ٹورنامنٹ سے باہر ہوچکی ہیں۔

England vs India Twenty20 World Cup cricket match

بھارت اور آسٹریلیا کا ٹورنامنٹ سے باہر ہونا سب سے بڑا اپ سیٹ ہے، بھارتی کپتان دھونی پریشان

آئی سی سی ٹوئنٹی ٹوئنٹی کپ میں دفاعی چیمپئن بھارت اور آسٹریلیا کا ٹورنامنٹ سے باہر ہونا سب سے بڑا اپ سیٹ تھا جبکہ آئرلینڈ کا ٹورنامنٹ کے دوسرے مرحلے یعنی سُپر سٹیج کے لئے کوالیفائی کرنا کرکٹ مداحوں کے لئے حیرت کا باعث بنا۔ آئرلینڈ کی ٹیم نے 2007ءکے عالمی کپ میں پاکستان کو ایک میچ میں شکست دے کر سب کو حیران کردیا تھا۔

انگلینڈ میں جاری دوسرے ٹوئنٹی ٹوئنٹی ورلڈ کپ میں بھارت کی ٹیم کو ٹورنامنٹ کا فیورٹ قرار دیا جارہا تھا لیکن سُپر ایٹ مرحلے میں ویسٹ انڈیز اور انگلینڈ کے ہاتھوں شکست کی وجہ سے بھارتی ٹیم ٹورنامنٹ سے باہر ہوگئی۔

Chris Gayle

کرس گیل کی قیادت میں ویسٹ انڈیز کی ٹیم بھی سیمی فائنل میں پہنچ گئی ہے

جن چار ٹیموں نے سیمی فائنل کے لئے کوالیفائی کرلیا ہے ان میں جنوبی افریقہ اور سری لنکا کی ٹیمیں سب سے زیادہ متوازن دکھائی دے رہی ہیں۔ پاکستانی ٹیم کی اب تک کی کارکردگی کسی بھی لحاظ سے غیرمعمولی نہیں رہی ہے۔ اگرچہ پاکستان نے نیوزی لینڈ اور آئرلینڈ کو سُپر ایٹ مرحلے میں کھیلے گئے میچوں میں شکست دی تاہم سری لنکا کو ہرانے میں کامیاب نہیں ہوا۔ اسی طرح ٹورنامنٹ کے پہلے مرحلے میں پاکستان نے ہالینڈ کو تو شکست دی تاہم انگلینڈ کی ٹیم سے ہار گیا۔

اب دیکھنا یہ ہے کہ کیا پاکستان 1992ء کے عالمی کپ کی کارکردگی کو 2009ء کے ٹوئنٹی ٹوئنٹی ورلڈ کپ ٹورنامنٹ میں دہراکر عالمی چیمپئن کا اعزاز حاصل کرنے میں کامیاب ہوگا یا نہیں۔

گوہر نذیر

ادارت : امجد علی