1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ٹوئنٹی ٹوئنٹی عالمی کپ: برطانیہ کو شکست

برطانیہ میں کھیلے جا رہے ٹوئنٹی ٹوئنٹی کرکٹ ورلڈ کپ کے پہلے میچ میں ہالینڈ کی ٹیم نے میزبان برطانیہ کو چار وکٹوں سے ہرا دیا ہے۔

default

اس سے زیادہ ذلت برطانوی ٹیم کو اس سے قبل کبھی نصیب نہیں ہوئی، برطانوی زرائع ابلاغ

اس شکست کو برطانوی زرائع ابلاغ نے برطانیہ کی ہزیمت کے مترادف قرار دیا ہے۔

برطانیہ نے اپنی اننگز میں پانچ وکٹوں کے نقصان پر ایک سو باسٹھ رنز بنائے تھے۔ میچ جیتنے کے لیے ہالینڈ کو آخری اوور میں سات رنز بنانے تھے جو کہ اس نے آخری گیند پر مکمل کیے۔ برطانیہ کو اب ’سپر ایٹ‘ تک پہنچنے کے لیے اتوار کے روز پاکستان کو شکست دینا ہوگی۔

ہالینڈ کی ٹیم کے لیے یہ ایک بہت بڑی کامیابی ہے۔ میچ جیتنے کے لیے اس کو ہر گیند پر ایک رن سے زیادہ بنانے کی ضرورت تھی جو کہ اس کے بلّے باز چوکوں اور چھکوں کی مدد سے پورا کرتے رہے۔ دوسری جانب برطانوی ٹیم کی بولنگ اور فیلڈنگ پورے میچ کے دوران خاصی ناقص رہی۔

برطانوی اخبار ’دا ڈیلی ایکسپریس‘ کے مطابق ’برطانوی کرکٹ ٹیم کو ماضی میں ہزیمت کا سامنا کرنا پڑا ہے مگر اس سے زیادہ ذلت اس کو اس سے قبل کبھی نصیب نہیں ہوئی‘۔