1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ٹرمپ کا دماغ ماؤف ہو چکا ہے، کم جونگ اُن

اقوام متحدہ کی جنرل اسمبلی میں امریکی صدر کے خطاب پر شمالی کوریا نے انتہائی سخت ردعمل ظاہر کرتے ہوئے امریکا کو شدید نتائج کی دھمکی دی ہے۔

شمالی کوریائی لیڈر کم جونگ اُن نے اقوام متحدہ کی جنرل اسمبلی میں امریکی صدر ڈونلڈ ٹرمپ کے خطاب پر ردعمل ظاہر کرتے ہوئے کہا کہ وہ ذہنی طور پر ماؤف اور دیوانگی کا شکار ہیں۔ اُن کے مطابق امریکی صدر کو اپنی تقریر کے جواب میں بھاری قیمت چکانا پڑ سکتی ہے۔ کمیونسٹ ملک کے لیڈر نے یہ بھی کہا کہ امریکی صدر نے اُن کی بےعزتی کرنے کے ساتھ ساتھ جنگ کی دھمکی بھی دی ہے۔

ٹرمپ کے ’بھونکنے‘ سے کوئی فرق نہیں پڑے گا، شمالی کوریا

شمالی کوریا پر امریکی صدر سے واضح اختلاف ہے، جرمن چانسلر

ٹرمپ کا مخصوص لہجہ، کیا کشیدگی میں اضافہ ہو گا؟

شمالی کوریا نے جاپان کے اوپر سے ایک اور میزائل داغ دیا

امریکی صدر ڈونلڈ ٹرمپ نے منگل انیس ستمبر کو جنرل اسمبلی میں تقریر کرتے ہوئے شمالی کوریا کو جوہری ہتھیار سازی اور بیلسٹک میزائل تجربات کے تناظر میں سخت الفاظ میں متنبہ کیا تھا۔ اسی تقریر میں ٹرمپ نے شمالی کوریائی لیڈر کو راکٹ مین قرار دینے کے علاوہ اُسے مکمل طور پر تباہ کرنے کی دھمکی بھی دی تھی۔ روس اور چین کی اپیلوں کے باوجود امریکا نے شمالی کوریا کے ساتھ مذاکراتی عمل شروع کرنے سے انکار کر رکھا ہے۔

Nordkorea Raketentest Kim Jong Un (Reuters/KCNA)

کم جونگ اُن بیلسٹک میزائل کا ٹیسٹ دیکھتے ہوئے

دوسری جانب جمعہ بائیس ستمبر کو شمالی کوریائی وزیر خارجہ ری یونگ ہو نے امکان ظاہر کیا ہے کہ اُن کا ملک بحر الکاہل  میں ہائیڈروجن بم کا تجربہ  کر سکتا ہے۔ اس اعلان کے بعد جزیرہ نما کوریا اور مشرق بعید کے ممالک میں پیدا شدہ بحران مزید سنگین صورت اختیار کر گیا ہے۔ اس قبل بھی شمالی کوریا نے بیلسٹک میزائل ٹیسٹ کرنے کے لیے شمالی جاپانی جزیرہ ہوکائیڈو کی بالائی فضا استعمال کی تھی۔

ویڈیو دیکھیے 00:35

کیا شمالی کوریا کے خلاف فوجی کارروائی ہونی چاہیے؟

جاپان نے شدید تشویش کا اظہار کیا ہے کہ شمالی کوریا اپنے ہائیڈروجن بم کے لیے جاپانی فضا کو استعمال کر سکتا ہے۔ جاپانی وزیر دفاع نے  اس خدشے کا اظہار کیا ہے کہ پیونگ یانگ حکومت درمیانے درجے کے بیلسٹک میزائل پر ہائیڈروجن بم نصب کرتے ہوئے یہ ٹیسٹ کر سکتا ہے۔کمیونسٹ ملک کے ممکنہ ہائیڈروجن بم کے تجربے کے اعلان سے بحرانی صورت حال پیدا ہو چکی ہے۔

شمالی کوریائی اعلان کے بعد ایشیائی مالی منڈیوں کو شدید مندی کا سامنا رہا۔ جاپانی کرنسی کی قیمیت میں واضح کمی رونما ہوئی۔ اس کا اندازہ لگایا گیا ہے کہ ایشیائی منڈیوں کی مندی کے اثرات یورپ اور امریکی اسٹاک مارکیٹوں پر بھی یقینی پڑیں گے۔

DW.COM

Audios and videos on the topic