1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

وینیزویلا کی اٹھارہ سالہ سٹیفانیہ فرنانڈیز مس یونیورس بن گئیں

وینیزویلا کی اٹھارہ سالہ سٹیفانیہ فرنانڈیز نے مس یونورس کا اعزاز جیت کر وینیزویلا کو دو مسلسل سالوں تک یہ اعزاز اپنے پاس رکھنے والا واحد ملک بنادیا ہے۔

default

اٹھارہ سالہ سٹیفانیہ فرنانڈیز مس یونورس کا اعزاز جیت کر خوشی سے نڈھال

اتوار کے روز فرنانڈیز کو مس یونیورس 2009 کے اعزاز کا حقدار ٹھہرایا گیا۔ گزشتہ برس مس یونیورس منتخب ہونے والی ڈیانہ میڈوزا کا تعلق بھی لاطینی امریکہ کے اسی ملک وینیزویلا سے تھا۔

باہاماس کے تفریحی جزیرے پر ہونے والے مس یونیورس کے مقابلے میں دوسرے نمبر پر ڈومینک ریپبلک کی ادا آئمی ڈی لا کروز جب کہ تیسرے نمبر پر کوسووو کی گونا ڈراگوشا ر تھیں۔ فرنیڈیز کی تاج پوشی مس یونیورس 2008 ڈیانہ مڈوزا نے کی۔ یہ مقابلہ دنیا بھر میں مختلف ٹیلی ویژن چینلز پر براہ راست نشر کیا گیا۔

BdT Bahamas Venezuela Stefania Fernandez Miss Universe 2009

سٹیفانیہ فرنانڈیزمس یونیورس کا اعزاز حاصل کرتے ہوئے

اسٹیج پر بیک وقت ایک ہی ملک کی دو حسیناؤں کی موجودگی ایک طرف تودنیا بھر میں شائقین کے لئے انتہائی متحیر کن منظر کا باعث تھی جب کہ دوسری طرف خود یہ دونوں حسینائیں بھی اس اعلان کے بعد خوشی کے مارے سنبھل نہیں پا رہی تھیں۔ اسی خوشی کے عالم میں سابق حسینہء عالم جب تاج پوشی کے لئے فرنانڈیز کی طرف بڑھیں تو وہ تاج ان کے ہاتھ سے گر گیا۔ مس یونیورس کا ٹائٹل اس قبل وینیزویلا سے تعلق رکھنے والی پانچ حسینائیںحاصل کر چکی ہیں۔

1979،1981،1986،1996 اور 2008 میں بھی مس یونیورس کا ٹائٹل وینیزویلا نے ہی جیتا تھا۔ تاہم امریکہ اس سے بھی آگے جو سب سے زیادہ مرتبہ یہ ٹائٹل جیت چکا ہے۔ امریکی حسیناؤں نے سات بار یہ ٹائٹل اپنے نام کیا۔ پچھلے برس مس یونیورس کے مقابلے ویتنام کے علاقے نہا ترنگ میں منعقد ہوئے تھے۔

رپورٹ: عاطف توقیر

ادارت: عدنان اسحاق

ملتے جلتے مندرجات