1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

وکلا لانگ مارچ لاہور رواں دواں

پاکستان میں معزول عدلیہ کی بحالی کے لئے وکلا کا لانگ مارچ بدھ کے دن ملتان سے لاہور کے لئے روانہ ہو گیا ہے۔ وکلا کی اس تحریک میں عام شہری، کئی سیاسی جماعتوں کے کارکنان، طالب علم، اور سول سوسائتی کے کارکن بھی شامل ہیں۔

default

لانگ مارچ ایک میلے کی شکل اختیار کئے ہوئے ہے

کراچی سے روانہ ہونے والا یہ قافلہ جون کی شدیدگرمی اور چلچلاتی دھوپ میں ملتان پہنچا تو وہاں وکلا نے لانگ مارچ میں شرکت کے لئے ملتان پہنچنے والوں کا شاندار استقبال کیا۔ بعد ازاں معزول چیف جسٹس افتخار محمد چوہدری نےملتان ہائی کورٹ ملتان میں ایک پر ہجوم جلسے سے خطاب کے بعد اس قافلے کو لانگ مارچ کی صورت لاہور کے لئے الوادع کیا اور خود ہوائی جہاز کے زریعے لاہور روانہ ہوئے۔

لانگ مارچ اس وقت وکلا رہنما علی احمد کرد کی قیادت میں لاہور کے لئے رواں ہے جو بالاخر دارلحکومت میں پارلیمان ہاؤس تک جائے گا اور وکلا رہنماؤں کا کہنا ہے کہ وہ پارلیمان ہاؤس کے سامنے اس وقت دھرنا دیں گے جب تک معزول عدلیہ کو تین نومبر والی جگہ پر دوبارہ بحال نہیں کیا جاتا۔