1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

’ ون ڈے کرکٹ الوداع ‘ انضمام الحق

پاکستان ٹیم کے کپتان انضمام الحق نے ورلڈ کپ کرکٹ میں ویسٹ انڈیز اور ناتجربہ کار آئرلینڈ کے ہاتھوں شکست کے بعد ون ڈے کرکٹ سے ریٹائر منٹ کا اعلان کر دیا ہے۔

default

جمیکا میں ایک پریس کانفرنس میں انضمام الحق نے اپنی ریٹائر منٹ کا اعلان کیا۔ اپنے دور کپتانی کے حوالے سے انہوں نے سینئر کرکٹرز ، ساتھی کھلاڑیوں اور کرکٹ بورڈ کا شکریہ ادا کیا۔ انہوں نے مزید کہا کہ وہ کرکٹ شائقین کی چاہت اور نیک خواہشات کے بھی شکر گزار ہیں۔

انضمام الحق نے تین سو ستتر میچوں میں پاکستان کی نمائندگی کی۔ انہوں نے اپنا پہلا انٹرنیشنل میچ ویسٹ انڈیز کے خلاف 1992 میں کھیلا اور اپنا آخری میچ وہ ویسٹ انڈیز میں لیکن زمبابوے کے خلاف کھیلیں گے۔ انہوں نے اپنے ایک روزہ کیریئر میں 83 نصف سنچریاں،10 سنچریوں کی مدد سے گیارہ ہزار سات سو دو رن بنائے ہیں۔ پریس کانفرنس میں انہوں نے ٹیم کی ناقص کارکردگی پر قوم سے معذرت کی ۔انہوں نے اس موقع پر باب وولمر کی وفات پر افسوس کا اظہار کیا۔انضمام الحق کے ایک روزہ میچوں میں ریٹائر منٹ کے اس فیصلے سے پاکستان کرکٹ کا ایک سنہری باب ختم ہو جائے گا۔