1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ومبلڈن: نادال اور ڈوکووچ کے درمیان فائنل آج

دفاعی چیمپیئن رافائل نادال اور عالمی نبمر ایک کھلاڑی نوواک ڈوکووچ آج ٹینس گرینڈ سلیم ومبلڈن کے فائنل میں مد مقابل ہیں۔

default

نوواک ڈوکووچ اپنا پہلا ومبلڈن جیتنے کے لیے پر عزم

کچھ عرصے قبل ہسپانوی ٹینس اسٹار رافائل نادال اور سوئس ٹینس لیجینڈ راجرر فیڈرر کی مسابقت انتہائی شہرت کی حامل تھی تاہم اب سربیا سے تعلق رکھنے والے نوواک ڈوکووچ نے فیڈرر کی جگہ لے لی ہے اور اس وقت وہ نادال کے سب سے بڑے حریف تصور کیے جاتے ہیں۔ آج برطانیہ میں ٹینس کی دنیا کے ان دو حریفوں کا ایک یادگار مقابلہ کھیلا جا رہا ہے۔

Tennis Master Cup Rafael Nadal Shanghai, China

نادال اپنے اعزاز کا دفاع کر رہے ہیں

ومبلڈن سال کا تیسرا اور مؤقر ترین گرینڈ سلیم ہے۔ نادال اپنے اعزاز کا دفاع کر رہے ہیں جب کہ ڈوکووچ اپنا پہلا ومبلڈن فائنل کھیل رہے ہیں۔ نادال اس سے قبل کلے کورٹ پر سال کا دوسرا گرینڈ سلیم فرنچ اوپن جیت چکے ہیں جب کہ ڈوکووچ نے نادال کو پچھلے چار اے ٹی پی ٹورنامنٹس کے فائنلز میں لگاتار شکست دی ہے۔ اسی باعث ڈوکووچ نے نادال سے عالمی نمبر ایک ہونے کا اعزاز بھی چھین لیا ہے۔

اس برس کے ومبلڈن کے سیمی فائنل میں نادال نے برطانوی کھلاڑی اینڈی مرے کو باآسانی شکست دی تھی۔ دوسری جانب ڈوکووچ فرانسیسی کھلاڑی سونگا کو سیمی فائنل میں ہرا کر فائنل تک پہنچے ہیں۔ آج کا یہ میچ انتہائی دلچسپ اور جوش و ولولے سے بھرپور ہونے کی توقع کی جا رہی ہے۔

ومبلڈن کے خواتین کے مقابلے چیک کھلاڑی کویتووا روسی کھلاڑی ماریا شاراپووا کو ہرا کر جیت چکی ہیں۔ یہ ان کا پہلا ومبلڈن اعزاز تھا۔

ویمن فٹ بال ورلڈ کپ

Frauenfußball-WM USA Kolumbien Flash-Galerie Tor zum 2:0

امریکہ نے کولمبیا کو تین صفر سے شکست دی

جرمنی میں جاری خواتین کی فٹ بال کے عالمی کپ کے ایک مقابلے میں گزشتہ روز سویڈن نے شمالی کوریا کو ایک صضر سے جب کہ امریکی کی ٹیم نے کولمبیا کو تین صفر سے ہرا دیا۔ سویڈن اور امریکہ یہ میح جیت کر کوارٹر فائنل کے لیے کوالیفائی کر گئے ہیں۔ آج ٹورنامنٹ کے ساتویں روز گروپ ڈی میں برازیل کی ٹیم اپنا میچ ناروے کے خلاف کھیل رہی ہے جب کہ آسٹریلیا کا میچ ایکویٹوریئل گینیا کے درمیان کھیلا جا رہا ہے۔ منگل کے روز دفاعی چیمپیئن جرمنی کی ٹیم فرانس کے ساتھ اپنا کوارٹر کھیلے گی۔

رپورٹ: شامل شمس⁄ خبر رساں ادارے

ادارت: عصمس جبیں

DW.COM