1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ومبلڈن: نادال اور ڈوکووچ فائنل میں، خواتین کا فائنل آج

ٹینس کے گرینڈ سلیم ٹورنامنٹ ومبلڈن میں آج ہفتہ کے روز خواتین کا فائنل کھیلا جا رہا ہے، جب کہ مردوں کا فائنل کل اتوار کے روز ہوگا۔ دوسری جانب خواتین کے فٹ بال عالمی کپ میں امریکہ اپنا میچ کولمبیا کے ساتھ کھیل رہا ہے۔

default

شاراپووا فتح کے لیے پر امید

نادال اور ڈوکووچ فائنل میں

ٹینس گرینڈ سلیم ومبلڈن دو ہزار گیارہ کے ایک سیمی فائنل میچ میں دفاعی چیمپیئن رافائل نادال نے برطانوی کھلاڑی اینڈی مرے کو چار سیٹس میں پانچ سات، چھ دو، چھ دو، چھ چار سے شکست دے کر فائنل میں جگہ بنا لی ہے۔ فائنل میں ان کا مقابلہ کل اتوار کے روز سرب کھلاڑی ڈوکووچ سے ہوگا جنہوں نے فرانسیسی کھلاڑی سونگا کو سیمی فائنل میں چار سیٹس سے ہرایا تھا۔ نوواک ڈووکوچ گزشتہ روز کی فتح کے بعد ٹینس کی عالمی رنکنگ میں پہلے نمبر پر آ گئے ہیں۔ نادال رینکنگ میں اب نمبر دو ہو چکے ہیں۔ آج ہفتہ کے روز خواتین کا فائنل بھی کھیلا جا رہا ہے۔ یہ مقابلہ روسی کھلاڑی ماریا شاراپووا اور چیک کھلاڑی کیویٹووا کے درمیان کھیلا جا رہا ہے۔ ماریا شاراپووا سن دو ہزار چار میں ومبلڈن جیت چکی ہیں۔

NO FLASH Tennis French Open 2011 Rafael Nadal

نادال فرنچ اوپن جیتنے کے بعد اب ومبلڈن بھی جیتنا چاہیے ہیں

فٹ بال: خواتین کا عالمی کپ

جرمنی میں کھیلے جانے والے خواتین کی فٹ بال کے عالمی کپ کے ایک میچ میں برطانیہ کی ٹیم نے نیوزی لینڈ کو ایک کے مقابلے میں دو گول سے شکست دے دی ہے۔ اس میچ سے قبل جاپان کی ٹیم نے میکسیکو کو ایک کے مقابلے میں چار گول سے ہرا کر کوارٹر فائنل میں جگہ بنا لی۔ برازیل کی ٹیم اتوار کے روز ناروے کے مد مقابل ہوگی۔ امریکہ کی ٹیم گروپ سی کے ایک میچ میں آج ہفتہ کے روز کولمبیا کے خلاف میچ کھیل رہی ہے۔ ہفتہ کو کھیلے گئے ایک اور میچ میں سویڈن کی ٹیم نے شمالی کوریا کو ایک صفر سے ہرا دیا۔

FLASH-Galerie Frauenfußball WM 2011 Deutschland vs Nigeria

جرمنی کی ٹیم ویمن ورلڈ کپ کے کوارٹر فائنل میں جگہ بنا چکی ہے

جرمنی پہلے ہی ویمن فٹ بال ورلڈ کپ کے کوارٹر فائنل مرحلے میں پہنچ گیا ہے۔ جرمن خواتین کی ٹیم نے جمعرات کو گروپ اے کے ایک مقابلے میں نائجیریا کو صفر کے مقابلے میں ایک گول سے شکست دے دی۔ جمعرات کو ہی گروپ اے کے ایک دوسرے میچ میں فرانس نے کینیڈا کو صفر کے مقابلے میں چار گول سے ہرا دیا۔ اس طرح فرانس اور جرمنی دونوں نے کوارٹر فائنل مرحلے میں اپنی جگہ بنا لی ہے۔

کوپا امیریکا: ارجنٹائن اور بولیویا کا میچ برابر

Fußball Argentinien Brasilien Leo Messi Flash-Galerie

لیو میسی کا ارجنٹائن کی ٹیم میں کلیدی کردار ہے

ادھر ارجنٹائن میں براعظم لاطینی امریکہ کی کوپا امیریکا چیمپیئن شپ کا ہفتہ کے روز آغاز ہو گیا۔ میزبان ملک ارجنٹائن نے اپنا پہلا میچ بولیویا کے خلاف کھیلا۔ خلاف توقع یہ میچ ایک ایک سے برابر رہا۔ ارجنٹائن کی ٹیم اسٹار کھلاڑی لیو میسی کے باوجود کوئی خاص کھیل پیش نہ کر سکی۔ میچ کا پہلا گول بولیویا نے کر کے میزبان ٹیم کو مشکل میں ڈال دیا تاہم ارجٹائن کی طرف سے آگوایرو نے میچ کے اختتام سے قبل گول کر کے ارجنٹائن کو شکست سے بچا لیا۔

رپورٹ: شامل شمس⁄ خبر رساں ادارے

ادارت: عصمت جبیں

DW.COM