1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

وقت ہاتھ سے نکلتا جا رہا ہے: شہباز شریف

مسلم لیگ نواز کے صدر شہباز شریف نے کہا ہے کہ وقت ہاتھ سے نکلتا جا رہا ہے اور اس وقت وزیراعظم یوسف رضا گیلانی کو اپنا کردارادا کرنا چاہئے۔

default

لاہور میں ایک پولیس اہلکار مظاہرین کے خلاف آنسو گیس کا شیل فائر کرتے ہوئے

عوام سے لانگ مارچ میں شرکت کی اپیل کرتے ہوئے شہباز شریف نے کہا کہ گرتی ہوئی دیوار کو آخری دھکا دینے کا وقت آگیا ہے ان کا کہنا تھا کہ ’’عوام موقع ضائع نہ کریں۔ موقع کھو دیا تو عوام پچھتائیں گے۔ امتحان کی گھڑی آن پہنچی ہے۔ عوام انصاف مانگ رہے ہیں۔‘‘

شہباز شریف کا کہنا تھا کہ ’’حکمرانوں نے لانگ مارچ روکنے کے لئے پورا ملک سیل کردیا ہے۔ پورے ملک میں دھرنے دئے جائیں گے‘‘۔


شہباز شریف نے کہا کہ مسلم لیگ نواز نے عوام کو کبھی توڑ پھوڑ کے لئے نہیں کہا۔ ان کا کہنا تھا کہ امریکا کی طرح عوامی سماعت کے ذریعے ججوں کا تقرر ہونا چاہیے۔ شہباز شریف نے کہا کہ حکمران بے نظیر بھٹو کی خواہش کا احترام کریں۔ انہوں نے کہا کہ ججوں کی بحالی اور ملک میں امن قائم کردیں میں آپ کو سلام پیش کروں گا۔ان کا کہنا تھا کہ نوا زشریف نے کہا کہ ججوں کو بحال کرنا اولین ترجیح ہے۔

شہباز شریف نے دعویٰ کیا کہ صدر زرداری نے سترہویں ترمیم کے خاتمے اور میثاق جمہوریت سے بھی انکار کیاہے۔شہباز شریف نے کہا کہ صدر زرداری نے تین بار معاہدے توڑ کر جگ ہنسائی کی۔ انہوں نے کہا کہ صدر زرداری انا چھوڑ کر ملک کے مستقبل کے بارے میں سوچیں۔