1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ورلڈ کپ میں بہتر کارکردگی دکھاوئنگا: محمد حفیظ

پاکستان کے افتتاحی بیٹسمین محمد حفیظ کو اپنی ذات پرپورا یقین ہے کہ وہ ویسٹ انڈیز میں تیرہ مارچ سے شروع ہونے والے عالمی کپ 2007 میں بطور اوپنر بہتر کارکردگی کا مظاہرہ کرینگے۔

default

اوپنر محمد حفیظ ٹیم کی پریشانی سے بخوبی واقف ہیں اور وہ کہتے ہیں کہ وہ عمران نذیر کے ساتھ مل کر ٹیم کو ایک اچھے آغاز دینے کی بھر پور کوشش کرینگے۔

پاکستان کی موجودہ ٹیم کو فٹنس اور ڈوپ ٹیسٹ کے علاوہ اگر کسی اور مسئلے کا سامنا ہے تو وہ اوپننگ کا پیچیدہ مسئلہ ہی ہے۔عامر سہیل اور سعید انور کی ماضی کی شہرت یافتہ جوڑی کے ریٹائرمنٹ کے بعد سے پاکستان کو مسلسل افتتاحی بیٹنگ کی پریشانی کا سامنا کرنا پڑ رہا ہے۔ اس مسئلے کو حل کرنے کے لئے ٹیم نے نت نئے تجربات کئے مگر وہ سب بے سود ثابت ہوئے۔

ماہرین کی رائے میں پاکستان ٹیم کے اس مسئلے کا اس سے بڑا ثبوت کیا ہوسکتا ہے کہ ابھی بھی یہ بات وثوق سے نہیں کہی جا سکتی ہے کہ ورلڈ کپ میں کون سے کھلاڑی پاکستانی اننگز کا آغاز کرینگے۔ ایک بات تو طے ہے کہ ورلڈ کپ میں اگر پاکستان اچھی کارکردگی دکھانا چاہتا ہے تو افتتاحی بیٹسمنوں کو یہ بات ذہن نشین کرنا ہوگی کہ ان کو نہ صرف کریز پرٹھہرنا ہوگا بلکہ ساتھ ساتھ رنز بھی بنانے ہونگے۔