1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ورلڈ کپ فٹ بال: جرمن کھلاڑیوں کا ٹیسٹ منسوخ

جرمنی کی قومی فٹ بال ٹیم کے کوچ Joachim Loew کے بقول وہ اس سال جنوبی افریقہ میں ہونے والے فٹ بال ورلڈ کپ کے سلسلے میں جرمن سکواڈ کے لئے کھلاڑیوں کے انتخاب سے پہلے اپریل میں ان کی کارکردگی کا مجوزہ امتحان نہیں لیں گے۔

default

جرمن قومی فٹ بال ٹیم کے کوچLoew

جرمن کوچ کو کھلاڑیوں کی کارکردگی اور فٹنس کا جائزہ لینے کے لئے یہ کام 19 سے لے کر 21 اپریل تک کرنا تھا۔ ان تاریخوں کا تعین اس طرح کیا گیا تھا کہ یہ تکنیکی اندازہ جرمنی میں فٹ بال کی قومی چیمپیئن شپ بنڈس لیگا کے 31 ویں میچ ڈے کے فوری بعد لگایا جا سکے۔

تاہم وفاقی جرمن کوچ Joachim Loew نے جرمن فٹ بال فیڈریشن کی ویب سائٹ dfb.de کے ساتھ ایک انٹرویو میں کہا کہ انہوں نے اپریل میں اس مجوزہ ٹیسٹ کا ارادہ اس ئے ملتوی کیا ہے کہ اگلے ماہ کے وسط میں فٹ بال کے تمام بڑے جرمن کلب انتہائی مصروف ہوں گے۔

Logo Deutschland Fussballverband DFB

جرمن فٹ بال فیڈریشن کا لوگو

اپنے اپنے شیڈول سے قطع نظر قومی سطح کے میچوں کے سلسلےمیں جرمن فٹ بال کلب ہمیشہ قومی ٹیم کی انتظامیہ سے تعاون کرتے آئے ہیں۔

اس مرتبہ تاہم وفاقی کوچ نے یہ ٹیسٹ مقررہ تاریخوں پر نہ لینے کا فیصلہ اس لئے کیا ہے کہ کھلاڑیوں کے پرفارمنس ٹیسٹ کی وجہ سے بنڈس لیگا کے کلبوں پر کوئی اضافی دباؤ نہ پڑے۔ جرمن ٹیم کے ٹرینر کے اس فیصلے کی وجوہات میں یہ بھی شامل ہے کہ اپریل کے وسط میں جرمنی میں بائرن میونخ، ہیمبرگ اور وولفس برگ کی ٹیمیں اپنے بین الاقوامی میچوں کی وجہ سے انتہائی مصروف ہوں گی۔

اس کے علاوہ شالکے، لیورکوزن، بریمن اور شٹٹ گارٹ کی ٹیمیں بھی بنڈس لیگا میں اپنے بہت فیصلہ کن میچوں کے باعث ان دنوں اضافی دباؤ میں ہوں گی۔ یوآخم لوو کے مطابق جنوبی افریقہ میں فٹ بال ورلڈ کپ کے لئے جرمن ٹیم کے حتمی انتخاب کے سلسلے میں جو سکواڈ منتخب کیا جائے گا وہ 33 کھلاڑیوں پر مشتمل ہو گا۔

رپورٹ: عصمت جبیں

ادارت: مقبول ملک

DW.COM