1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ورلڈ کپ ایک نادر موقع ہے: وقار یونس

پاکستانی کرکٹ ٹیم کے کوچ وقار یونس نے کھلاڑیوں پر زور دیا ہے کہ وہ عالمی کپ کے دوران بہتر کارکردگی کا مظاہرہ کریں تاکہ سپاٹ فکنسگ کے نتیجے میں قوم کے وقار کو جو نقصان پہنچا ہے، اس کا ازالہ ہو سکے۔

default

پاکستانی کرکٹ ٹیم کے کوچ وقار یونس

عالمی کپ مقابلوں کے انعقاد سے قبل پاکستانی قومی کرکٹ ٹیم کے کوچ وقار یونس نے اپنی تیاریوں پرتبصرہ کرتے ہوئے کہا،’ ٹیم کی اچھی کارکردگی، عوام کو دوبارہ کرکٹ کی طرف لے آئے گی۔‘ کامیاب دورہ نیوزی لینڈ سے واپس وطن پہنچنے پر صحافیوں سے گفتگو کرتے ہوئے وقار یونس نے کہا، ’مجھے خوشی ہے کہ یہ تمام معاملہ طے پا گیا ہے کیونکہ ایسے تمام تنازعات کے نتیجے میں کھلاڑیوں کی کارکردگی متاثر ہوتی ہے۔‘

وقار یونس کہتے ہیں کہ انہوں نے بہت کوشش کی کہ کھلاڑی سپاٹ فکسنگ پر گفتگو کرنا چھوڑ دیں کیونکہ اس سے ان کی توجہ بٹ رہی تھی۔ یونس کے بقول اس بات کو بھولنے کے لیے کھلاڑیوں کو سخت محنت کرنا پڑی۔

Flash-Galerie Cricket Spieler Shoaib Akhtar

وقار یونس کے خیال میں ورلڈ کپ کے لیے پاکستانی ٹیم کا کامبینیشن بہت اچھا ہے

وقار یونس کہتے ہیں،’ مثبت بات یہ ہے کہ لڑکوں نے اپنی توجہ دوبارہ کھیل پر مرکوز کی اور نیوزی لینڈ کی سیریز کے دوران عمدہ کھیل پیش کیا اور کامیابی اپنے نام کی۔ عالمی کپ مقابلوں سے قبل اس کامیابی کے نتیجے میں ٹیم کے اعتماد میں اضافہ ہو گا۔‘ انہوں نے کہا کہ ورلڈ کپ ٹیم کو ایک ایسا موقع فراہم کر رہا ہے، جس سے پاکستانی کرکٹ تمام تنازعات سے باہر نکل سکتی ہے۔

وقار یونس کے خیال میں پاکستانی ٹیم کا کامبینیشن اس وقت بہت اچھا ہے اور ٹیم نے ورلڈ کپ سے پہلے ہی اپنا اعتماد بحال کر لیا ہے،’ اگرچہ ٹیم نے اپنا مورال بلند کیا ہے تاہم ہمیں اندازہ ہے کہ ہماری کمزوریاں کیا ہیں۔ ہم ان کمزوریوں کو دور کرنے کے لیے مسلسل کام کر رہے ہیں۔ لیکن میں مستقبل کے بارے میں بہت زیادہ پر اُمید ہوں۔‘

عالمی کپ مقابلے بھارت، سری لنکا اور بنگلہ دیش میں منعقد کیے جا رہے ہیں۔ یہ ٹورنامنٹ انیس فروری تا دو اپریل جاری رہے گا۔

رپورٹ: عاطف بلوچ

ادارت: کشور مصطفیٰ

DW.COM