1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ورلڈ بینک کی طرف سے پاکستان کے لیے قرضے اور امداد کی منظوری

عالمی بینک نے پاکستان کے صوبہ خیبر پختونخوا اور ملحقہ قبائلی علاقوں میں تعمیر نوکے لیے 250 ملین امریکی ڈالر کے قرضے کی منظوری دے دی ہے۔

default

واشنگٹن میں قائم عالمی بینک کے مطابق 250 ملین ڈالر قرض کے علاوہ قبائلی خطے سمیت پاکستان کے متعدد علاقوں میں فوجی آپریشن سے متاثرہ افراد کی بحالی کے لیے 35 ملین ڈالر کی امداد بھی منظور کی گئی ہے۔

بینک کے مطابق پاکستان کو دی جانے والی 35 ملین ڈالر کی امداد معروف امدادی ادارے ملٹی ڈونر ٹرسٹ فنڈ (MDTF)کے تعاون سے فراہم کی جائے گی۔

بینک کی جانب سے جاری کردہ بیان کے مطابق یہ اجتماعی مدد پاکستان کے صوبہ خیبر پختونخوا اور قبائلی علاقوں کے غریب عوام کی بحالی کے لیے ہے، جو عسکریت پسندی کی وجہ سے شدید متاثر ہوئے ہیں۔

Karte, Grenzgebiet zwischen Afghanistan und Pakistan Freies Bildformat

پاکستان کے قبائلی علاقوں میں عسکریت پسندوں کے خلاف سکیورٹی فورسز کے آپریشن کے باعث علاقے کے عوام شدید مسائل کا شکار ہیں

پاکستان کے لیے عالمی بینک کے ڈائریکٹر راشد بن مسعود کے مطابق خیبر پختونخوا اور فاٹا میں بحران کی وجہ سے عوام شدید مشکلات کا شکار ہیں۔ خیبر پختونخوا اینڈ فاٹا ایمرجنسی ریکوری پراجیکٹ نامی اس منصوبے پر عملدرآمد بحالی کے کاموں کے لیے خیبر پختونخوا کے صوبائی محکمے، فاٹا سیکریٹیریٹ اور دیگر متعلقہ اداروں کے تعاون سے کیا جائے گا۔

شمال مغربی پاکستان کے قبائلی علاقے وہاں القاعدہ اور طالبان عسکریت پسندوں کی سرگرمیوں اور ان کے خلاف پاکستانی سکیورٹی فورسز کے آپریشن کے باعث کافی عرصے سے مسائل کا شکار ہیں۔

رپورٹ: افسر اعوان

ادارت: مقبول ملک

DW.COM

ویب لنکس