1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

نیٹو اور قذافی دونوں کے خلاف جنگ کی جائے، الظواہری

اسامہ بن لادن کے بعد القاعدہ کے دوسرے اہم ترین رہنما ایمن الظواہری نے اپنی ایک نئی ویڈیو میں لوگوں پر زور دیا ہے کہ لیبیا میں داخلے کی صورت میں امریکہ اور نیٹو کے خلاف جنگ کی جائے۔

ایمن الظواہری

ایمن الظواہری

امریکی خبررساں ادارے اے پی کے مطابق القاعدہ کی ویب سائٹ پر جاری ہونے والی یہ ویڈیو لیبیا پر بین الاقوامی فضائی آپریشن شروع ہونے سے قبل ریکارڈ کی گئی۔ اے پی کے مطابق ایمن الظواہری نے امریکہ اور نیٹو کے خلاف جنگ کے ساتھ ساتھ مسلمانوں کو لیبیا کے حکمران معمر قذافی کی حامی فورسز کے خلاف بھی جنگ کرنے کی ترغیب دی ہے۔

لیبیا کے ہمسایہ ممالک خاص طور پر مصر، الجزائر اور تیونس معمر قذافی اور نیٹو کے خلاف اٹھ کھڑے ہوں، ایمن الظواہری

لیبیا کے ہمسایہ ممالک خاص طور پر مصر، الجزائر اور تیونس معمر قذافی اور نیٹو کے خلاف اٹھ کھڑے ہوں، ایمن الظواہری

القاعدہ کی طرف سے مطالبہ کیا گیا ہے کہ معمر قذافی کو اقتدار سے نکال باہر کیا جائے اور ملک میں اسلامی نظام حکومت رائج کیا جائے۔ امریکی خبررساں ادارے کے مطابق القاعدہ کی ویب سائٹ پر جاری کی جانے والی اس ویڈیو میں ایمن الظواہری نے لیبیا کے ہمسایہ ممالک خاص طور پر مصر، الجزائر اور تیونس سے کہا ہے کہ وہ معمر قذافی اور نیٹو کے خلاف اٹھ کھڑے ہوں۔

القاعدہ کے دوسری اہم ترین رہنما ایمن الظواہری کی اس ویڈیو کے بارے میں خلاصہ سائٹ انٹیلیجنس گروپ نامی امریکی ادارے کی ویب سائٹ پر فراہم کیا گیا ہے۔ یہ تنظیم دہشت گرد تنظیموں کی ویب سائٹس پر نظر رکھتی ہے۔

رپورٹ: افسراعوان

ادارت: شامل شمس

DW.COM

ویب لنکس