1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

نو منتخب کابینہ نے احتجاج کرتے ہوئے حلف اٹھا لیا

پاکستان میں نو منتخب وزیر اعظم مخدوم یوسف رضا گیلانی کی کابینہ نے حلف اٹھا لیا ہے ۔ ابتدائی طور پر چوبیس رکنی کابینہ نے ایوان صدر میں صدر پرویز مشرف سے حلف لیا۔ تقریب حلف برداری کے دوران پاکستان مسلم لیگ کے نامزد وزراءنے صدر مشرف کے خلاف احتجاج کے طور پر اپنے بازوں پر کالی پٹیاں باندھ رکھیں تھیں ۔

معروف سیاسی تجزیہ نگار اور صحافی نذیر ناجی کے مطابق پاکستان پیپلز پارٹی کے نامزد وزراءنہ صرف ناتجربہ کار ہیں بلکہ وہ کسی طرح سے بھی مسلم لیگ ن کے نامزد وزراء کا مقابلہ نہیں کرتے ہیں ۔ انہوں نے ڈوےچے ویلے سے خصوصی گفتگو کرتے ہوئے کہا کہ پاکستان پیپلز پارٹی کی طرف سے تو وزیر اعظم بھی بہت کمزور بنایا گیا جو مسلم لیگ ن کے تجربہ کار اور ذہین وزراء کا مقابلہ نہیں کر سکے گا ۔

Audios and videos on the topic