1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

نوشہرہ شہر کی کچہری میں بم دھماکہ

پاکستان کے شمال مغربی سرحدی صوبے خیبر پختونخوا کے اہم گیریژن شہر نوشہرہ کی کچہری کے مرکزی گیٹ پر بم دھماکے کی اطلاع ہے۔ ڈسٹرکٹ کورٹ چھاؤنی کے قریب واقع ہے۔

default

ضلعی انتظامیہ کے مطابق بم دھماکہ کچہری (ڈسٹرکٹ کورٹ) کے دروازے پر ہوا۔ ابتدائی اطلاعات کے مطابق ایک خاتون اہلکار سمیت دو افراد کے فوری طور پر ہلاک ہونے کی تصدیق کردی گئی ہے۔ ہلاک ہونے والا دوسرا شخص کے بارے میں بھی بتایا گیا ہے کہ وہ پولیس کا ملازم تھا۔

Pakistan Autobombe

ایک سابقہ بم دھماکے کا مقام

اطلاعات کے مطابق کم ازکم آدھے درجن سے زائد افراد زخمی بھی ہوئے ہیں۔ ہلاک ہونے والی خاتون پولیس اہلکارکا نام شازیہ بتایا گیا ہے۔ زخمیوں کو نوشہرہ شہر کے کمبائنڈ ملٹری ہسپتال اور ڈسٹرکٹ ہیڈکوارٹرز ہسپتال پہنچایا جا رہا ہے۔ زخمیوں میں پولیس اہلکار بھی شامل ہیں۔ عینی شاہدین کے مطابق کچہری کے دروازے پر کھڑی کچھ گاڑیوں کو بھی شدید نقصان پہنچا ہے۔

خبر ایجنسی اے ایف پی نے نوشہرہ شہر کی پولیس کے سربراہ قریش خان کا حوالہ دیتے ہوئے کہا ہے کہ یہ خود کش حملہ نہیں تھا۔ پولیس چیف کا مزید کہنا تھا کہ یہ ایک بم دھماکہ تھا اور بم پہلے سے نصب کیا گیا تھا۔ مقامی میڈیا کے مطابق ایک برقعہ پوش خاتون کی تلاشی کے دوران یہ بم پھٹا، جس سے میڈیا اندازہ لگا رہا ہے کہ یہ خود کش بمبار کی کارروائی بھی ہو سکتی ہے۔

پاکستانی دارالحکومت اسلام آباد سے پشاور جاتے ہوئے نوشہرہ سے گزرنا ہوتا ہے۔ نوشہرہ پشاور سے چالیس کلومیٹر کی مسافت پر ہے۔ یہ شہر دریائے کابل کے کنارے اور جرنیلی سڑک کے دونوں طرف آباد ہے۔ اسی شہر سے وادیء سوات کے لیے سڑک بھی جاتی ہے۔

رپورٹ: عابد حسین ⁄ خبر رساں ادارے

ادارت: عاطف بلوچ

DW.COM

ویب لنکس