1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

نواز شریف کے وارنٹ گرفتاری جاری

ایک پاکستانی عدالت نے ملک کے سابق وزیراعظم میاں محمد نواز شریف کی گرفتاری کے وارنٹ جاری کر دیے ہیں۔ ان کے یہ وارنٹ پاناما پیپرز کے حوالے سے بدعنوانی کے الزامات کے تحت جاری کیے گئے ۔

پاکستان کے سابق وزیر اعظم اور حکمران جماعت پاکستان مسلم لیگ نون کے صدر میاں نواز شریف ایک اور مشکل میں گرفتار ہو گئے ہیں۔ ان کے وکلاء کے مطابق احتساب عدالت نے بدعنوانی کے الزامات کے تحت ان کی گرفتاری کے وارنٹ آج جمعرات 26 اکتوبر کو جاری کیے ہیں۔

خبر رساں ادارے اے ایف پی کے مطابق یہ وارنٹ گرفتاری پاکستانی دارالحکومت اسلام آباد میں قائم احتساب عدالت کی طرف سے جاری کیے گئے ہیں۔ نواز شریف کے وکلاء میں سے ایک ذاکر خان نے اے ایف پی کو بتایا، ’’احتساب عدالت نے سابق وزیر اعظم کے خلاف آج بدعنوانی کے دو مبینہ مقدمات میں قابل ضمانت وارنٹ گرفتاری جاری کیے ہیں۔ عدالت تین نومبر کو آئندہ پیشی تک برخواست کر دی گئی۔‘‘

Pakistan Maryam Nawaz Sharif, Tochter des Premierministers (Reuters/F. Mahmood)

نوازشریف، ان کے دو بیٹے حسن اور حسین نواز، ان کی بیٹی مریم نواز اور داماد محمد صفدر رقوم کی غیر قانونی طور پر ملک سے باہر منتقلی اور بدعنوانی کے الزامات کے تحت مقدمات کا سامنا کر رہے ہیں۔

پاکستانی سپریم کورٹ نے میاں نواز شریف کو ایک طویل عدالتی کارروائی کے بعد رواں برس جولائی میں وزیر اعظم کے عہدے اور سیاست کے لیے نا اہل قرار دے دیا تھا۔ وہ آج کل لندن میں مقیم ہیں جہاں ان کی اہلیہ کلثوم نواز کینسر کا علاج کرا رہی ہیں۔

نوازشریف، ان کے دو بیٹے حسن اور حسین نواز، ان کی بیٹی مریم نواز اور داماد محمد صفدر رقوم کی غیر قانونی طور پر ملک سے باہر منتقلی اور بدعنوانی کے الزامات کے تحت مقدمات کا سامنا کر رہے ہیں۔

ملتے جلتے مندرجات