1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

نواز شریف ججوں کی 30 اپریل سے پہلے بحالی کے بارے میں پر امید

وزیر اعظم یوسف رضا گیلانی کی قیادت میں نئی پاکستانی حکومت کی طرف سے معزول ججوں کی بحالی کے لئے اعلان کردہ مدت پوری ہونے میں صرف چار دن باقی رہ گئے ہیں۔

default

آصف زرداری اور نواز شریف کی مخلوط حکومت قائم کرنے کے اعلان کے موقع پر لی گئی ایک تصویر

جہاں بہت سے حلقوں کی سوچ یہ ہے کہ معزول ججوں کی ماہ رواں کے آخر تک بحالی ایک نا ممکن سی بات ہے، وہیں پر اسلام آباد کی مخلوط حکومت میں شامل جماعت پاکستان مسلم لیگ نون کے رہنما نواز شریف کا کہنا ہے کہ انہیں ابھی بھی امید ہے کہ پیپلز پارٹی کے شریک سربراہ آصف علی زرداری 30 اپریل تک کی میعاد ختم ہونے سے پہلے پہلے ان ججوں کی ان کے عہدوں پر بحالی کویقینی بنا لیں گے۔

اسی دوران پیپلز پارٹی سے تعلق رکھنے والی پاکستانی وزیر اطلاعات شیری رحمان نے کہا ہے کہ ججوں کی بحالی میں چند روز کی تاخیر بھی ہو سکتی ہے ، اوراس سلسلے میں ہر کسی کو صبر سے کام لینا چاہیے۔