1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ندال ’سونی ایرکسن اوپن‘ کے چوتھے راوٴنڈ میں

ورلڈ ٹینس سٹار رافیل ندال ’سونی ایرکسن اوپن‘ کے چوتھے راوٴنڈ میں پہنچ گئے ہیں۔ سپین سے تعلق رکھنے والے ندال نے تیسرے راوٴنڈ کے میچ میں اپنے حریف ڈیوڈ نیلبیندیان کو تین مشکل سیٹس کے بعد ہرایا۔

default

رافیل ندال

کمر کی تکلیف میں مبتلا رافیل ندال نے ارجنٹائن کے ڈیوڈ نیلبیندیان کو تین سیدھے سیٹس میں چھ سات، چھ دو اور چھ دو سے شکست دے دی۔ اتوار کے روز کھیلا گیا یہ میچ ندال کے لئے کسی بھی لحاظ سے آسان ثابت نہیں ہوا۔ پہلے سیٹ میں ڈیوڈ نیلبیندیان کی شدید مزاحمت کے بعد ہی بالآخر ندال فارم میں واپس لوٹے۔

ندال نے اپنی کامیابی کے بعد کہا:’’اس سیزن میں جس طرح سے میں کھیل رہا ہوں، مجھے بہت خوشی ہو رہی ہے ۔ اب آنے والے تمام ہی میچ میرے لئے بہت اہم ہیں اور ہر جیت کے ساتھ مجھے ایک نیا حوصلہ اور ہمت ملے گی۔‘‘

Rafael Nadal gewinnt zum dritten Mal French Open

2007ء میں فرینچ اوپن گرینڈ سلیم جیتنے کے بعد رافیل ندال خوشی کا اظہار کرتے ہوئے

سونی ایرکسن اوپن کے چوتھے مرحلے میں اب عالمی نمبر چار رافیل ندال کا مقابلہ ڈیوڈ فیرر سے ہوگا، جو کروشیا کے ایوو کارلو وچ کو ہرا کر چوتھے راوٴنڈ تک رسائی حاصل کرنے میں کامیاب ہوئے۔

Flash-Galerie Roger Federer gewinnt Australian Open

آسٹریلین اوپن جیتنے کے بعد عالمی نمبر ایک سوئس سٹار راجر فیڈرر اپنے جذبات کا برملا اظہار کرتے ہوئے

تئیس سالہ ندال رَفا کے نام سے بھی مشہور ہیں۔ اپنے کیریئر کے دوران وہ ٹینس کی عالمی درجہ بندی کی پہلی پوزیشن پر بھی پہنچ چکے ہیں۔ ندال نےسن 2009ء میں آسٹریلین اوپن ٹورنامنٹ جیتا جبکہ اس سے پہلے وہ مسلسل چار مرتبہ فرنچ اوپن گرینڈ سلیم بھی اپنے نام کر چکے ہیں۔ ندال نے یہ ٹائٹلز 2005ء، 2006ء، 2007ء اور 2008ء میں جیتے۔ اس کے علاوہ وہ دو مرتبہ یو ایس اوپن جبکہ ایک مرتبہ ومبلڈن گرینڈ سلیم بھی جیت چکے ہیں۔

ورلڈ ٹینس رینکنگ میں اس وقت سوئس سٹار راجر فیڈرر پہلے نمبر پر ہیں۔ اٹھائیس سالہ فیڈرر نے اب تک اپنے ٹینس کیریئر کے دوران ریکارڈ سولہ گرینڈ سلیم ٹائٹلز جیتے ہیں، جن میں ومبلڈن، آسٹریلین اوپن، یوایس اوپن اور فرنچ اوپن شامل ہیں۔

رپورٹ: گوہر نذیر گیلانی/ خبر رساں ادارے

ادارت: مقبول ملک

DW.COM