1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

نازی ملزم ڈیم یان یْک جرمنی پہنچا دیا گیا

جرمن حکومت کو مطلوب نازی دور کے ملزم جان ڈیم یان یْک کو امریکہ سے جرمنی منتقل کردیا گیا ہے جہاں اس پر نازی دورِ حکومت میں یہودیوں کے قتل میں ملوّث ہونےکا مقدمہ چلایا جائے گا۔

default

ڈیم یان یک کو میونخ ایرپورٹ پہ جہاز سے ویل چئیر کے زریعے اتارا جا رہا ہے

ڈیم یان یْک امریکہ سے میونخ پہنچا تو اس کو جرمن حکّام نے وصول کیا۔

نواسی سالہ جان ڈیم یان یْک کا تعلق یوکرائن سے ہے اور اس پر الزام ہے ہے کہ نازی دورِ حکومت میں وہ پولینڈ کے اس ازیتی کیمپ کا گارڈ تھا جہاں انتیس ہزار یہودیوں کو موت کے گھاٹ اتارا گیا تھا۔ ڈیم یان یْک اس الزام کی تردید کرتا رہا ہے۔ ڈیم یان یْک کئی دہائیوں سے امریکہ میں مقیم تھا اور جرمن حکّام کافی عرصے سے یہ مطالبہ کر رہے تھے کہ اس کو جرمنی کے حوالے کیا جائے تاکہ اس پر جرمن عدالت میں مقدمہ چلایا جا سکے۔

John Demjanjuk 2005

ڈیم یان یْک پہ نازی دور میں انتیس ہزار یہودیوں کے قتل میں ملوّث ہونے کا الزام ہے


میونخ کی عدالت میں ڈیم یان یْک کی جلد پیشی متوقع ہے جہاں اس پر عائد الزامات اسے پڑھ کر سنائے جائیں گے۔ مقدمے کے دوران ازیتی کیمپ میں بچ جانے والے افراد ڈیم یان یْک کے خلاف عدالت کے سامنے پیش ہوں گے جہاں وہ پولینڈ کے ازیتی کیمپ میں پیش آنے والے واقعات کی تفصیلات سے عدالت کو آگاہ کریں گے۔

ڈیم یان یْک کا موقف ہے کہ نازیوں نے اس کو زبردستی ازیتی کیمپ کا گارڈ مقرّر کردیا تھا اور وہ انتیس ہزار یہودیوں کے قتل میں بالواسطہ ملوّث نہیں تھا۔ امریکہ میں بھی ڈیم یان یْک کا یہی موقف تھا اور اس نے امریکی حکّام سے اپیل کی تھی کہ اسے جرمنی منتقل نہ کیا جائے۔

ڈیم یان یْک کے اہلِ خانہ کے مطابق نواسی سالہ ڈیم یان یْک شدید علیل ہے۔ اسی بنیاد پر امریکہ میں اس کے اہلِ خانہ نے یہ کوشش کی تھی کہ اس کی جرمنی منتقلی کو رکوایا جاسکے۔