1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

میں ستمبر میں مستعفی ہوجاوٴں گا: ایہود اولمرٹ

اسرائیلی وزیر اعظم ایہود اولمرٹ نے اعلان کیا ہےکہ وہ رواں برس ستمبر میں اپنے عہدے سے مستعفی ہوجائیں گے۔

default

بد عنوانی کے الزامات سے پریشان اسرائیلی وزیر اعظم ایہود اولمرٹ

اسرائیلی وزیر اعظم ایہود اولمرٹ نے کہا کہ وہ سترہ ستمبر کو ہونے والے اپنی جماعت کے پرائمری انتخابات میں حصّہ نہیں لینگے۔ اولمرٹ نے اپنے مختصر خطاب میں کہا کہ پارٹی الیکشن میں نئے لیڈر کے انتخاب کے بعد وہ مستعفی ہوجائیں گے تاکہ جلد نئی حکومت تشکیل دی جاسکے۔

سن دو ہزار چھہ سے ایہود اولمرٹ وزیر اعظم کے عہدے پر فائز ہیں۔ باسٹھ سالہ اولمرٹ پر بدعنوانی کے سنگین الزامات ہیں تاہم اسرائیلی وزیر اعظم نے بدھ کو اپنے خطاب میں کہا کہ انہوں نے کوئی غلط کام نہیں کیا ہے۔

اولمرٹ کی طرف سے استعفے کے اس اعلان سے اسرائیل میں سیاسی بحران پیدا ہوگیا ہے اور ماہرین کی رائے میں مشرق وسطیٰ امن عمل بھی خطرے میں پڑ گیا ہے۔