1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

میشاعیل شوماخر کی ریٹائیرمنٹ، ایک تاریخ ساز عہد کی تکمیل

عہد حاضر کے مقبول ترین جرمن کھلاڑیوں میں سے ایک ، سات مرتبہ موٹر ریسنگ کے فارمولا ون مقابلوں کے عالمی چیمپئین بننے والے مشاعیل شوماخر 15 برس سے زائد عرصے پر محیط ایک تاریخ ساز کیرئیر کے اختتام پرساؤ‎پاؤلو میں، برازیلین گراں پری میں شرکت کے بعد، جو امسالہ سیزن کی آخری دوڑ تھی، اتوار کے روز موٹر ریسنگ سے حتمی طور پر ریٹائیر ہو گئے۔

شوماخر ہسپانوی ڈرائیور Alonso کو دوسری مرتبہ عالمی چیمپئین بننے پر مبارکباد دیتے ہوئے

شوماخر ہسپانوی ڈرائیور Alonso کو دوسری مرتبہ عالمی چیمپئین بننے پر مبارکباد دیتے ہوئے

اس وقت 37 سالہ شوماخر نے ایک پیشہ ورڈرائیور کے طور پر 90 کے عشرے کے اوائل سے لے کر اس سال اکتوبر کے آخر تک کل 250 گراں پری مقابلوں میں حصہ لیا جن میں سے 91 میں انہیں کامیابی حاصل ہوئی۔ ان کے بعد Formula One کی تاریخ کے سب سے کامیاب ترین ڈرائیور فرانس کے Alain Prost ہیں جنہوں نے 51 گراں پری مقابلے جیتے تھے۔