1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

’میرکل سن 2021 سے قبل چانسلر کا منصب چھوڑ دیں‘، عوامی رائے

ایک تہائی سے زائد جرمنوں کے مطابق میرکل کو چانسلر کے منصب کی چوتھی مدت سے قبل علیحدگی اختیار کر لینی چاہیے۔ دوسری جانب آج میرکل نے 24 ستمبر کے الیکشن کے بعد ایف ڈی پی اور گرینز کے ساتھ مخلوط حکومت کے قیام کاعندیہ دیا ہے۔

 عوامی آراء  پر مبنی ایک نئے سروے کے نتائج کے مطابق ایک تہائی سے زائد جرمنوں کے خیال میں انگیلا میرکل کو چانسلر کے منصب کی مدت ختم ہونے سے قبل ہی علیحدگی اختیار کر لینی چاہیے تا کہ ایک نیا چانسلر سن 2021 کے انتخابات میں سی ڈی یو کی قیادت کر سکے۔ اسی جائزے میں چوالیس فیصد کا خیال ہے کہ چانسلر انگیلا میرکل کو اپنی چوتھی مدت بہر حال مکمل کرنی چاہیے۔

جرمنی مسلمانوں کا گھر بن سکتا ہے، فراؤکے پیٹری

ووٹرز کا اعتماد بحال کروں گی، میرکل کا عہد

میرکل کی مایوس کُن فتح

جرمن انتخابات، کارٹونِسٹ کی نظر میں

چھتیس فیصد جواب دینے والوں نے خیال ظاہر کیا کہ میرکل کی جانب سے قیادت کسی اور رہنما کو منتقل کر دینے سے نیا چانسلر اس قابل ہو گا کہ وہ حکومتی پالیسیوں کو تسلسل دے کر اگلے عام انتخابات میں کامیاب ہو سکے۔ یہ سروے یُو گوو(YouGov) نامی ادارے نے مرتب کیا ہے۔ اس جائزے کے لیے دو ہزار افراد کی رائے معلوم کی گئی تھی۔

چوبیس ستمبر کے پارلیمانی الیکشن میں میرکل کی کرسچن ڈیموکریٹک یونین (CDU) اور اُس کی ساتھی اتحادی سیاسی جماعت کرسچن سوشل یونین (CSU) کو تقریباً تینتیس فیصد ووٹ ملے تھے اس طرح یہ اتحاد پارلیمنٹ میں سب سے زیادہ نشستیں رکھتا ہے۔

Deutschlandtag der Jungen Union in Dresden mit Angela Merkel und Paul Ziemiak (picture alliance/dpa/M. Skolimowska)

انگیلا میرکل اپنی سیاسی جماعت سی ڈی یو کے نوجوانوں کے گروپ کے سربراہ کے ہمراہ

دوسری جانب جرمنی کے مشرقی حصے کے شہر ڈریسڈن میں اپنی پارٹی کے کارکنوں سے خطاب کرتے ہوسے انگیلا میرکل نے کہا ہے کہ نئی حکومت کے لیے فری ڈیموکریٹک پارٹی (FDP) اور ماحول دوست گرین پارٹی کے ساتھ مخلوط حکومت جرمنی کے لیے سازگار رہے گی۔ اس حکومت سازی کے لیے انہوں نے ان پارٹیوں کے ساتھ مذاکرات شروع کرنے کا بھی اعلان کیا ہے۔

میرکل نے حکومت سازی کے عمل کو مشکل بھی قرار دیا ہے۔ جرمن چانسلر نے اپنی پارٹی سی ڈی یو کے تمام کارکنوں کو ہدایت کی ہے کہ وہ مستقبل کی حکومت سازی اور چیلنجز پر فوکس رہیں۔

ویڈیو دیکھیے 04:57

جرمن چانسلر انگیلا میرکل کی ’مایوس کُن فتح‘

اگر چانسلر میرکل ایف ڈی پی اور گرینز کے ساتھ حکومت قائم کرنے میں کامیاب ہو گئیں تو اسے جمیکا کولیشن قرار دیا جائے گا کیونکہ ان تینوں پارٹیوں کے پرچموں کے رنگ کریبیین ملک جمیکا کے قومی پرچم کا حصہ ہیں۔ نئی حکومت سازی کے مذکرات کی تکمیل کے بعد جمیکا کولیشن کی منظوری میرکل کی سی ڈی یو اور سی ایس یو کے پارلیمانی اجلاس میں حاصل کی جائے گی۔

ویڈیو دیکھیے 03:43

آئندہ جرمن حکومت کی پالیسیاں کیا ہوں گی؟

DW.COM

Audios and videos on the topic