1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

میامی ماسٹرز ٹورنامنٹ اینڈی مرے کے نام

میامی ماسٹرزٹینس ٹائٹل برطانیہ کے اینڈی مرے نے جیت لیا۔ فائنل میں عالمی نمبرچاراینڈی مرے نے سربیاکے نوواک ڈوکووچ کے خلاف چھ دو اور سات پانچ کے اسکور سے کامیابی حاصل کی۔

default

نوواک ڈوکووچ تمام تر محنت کے باوجود مرے پر غالب نہ آ پائے

مرے نے پہلا سیٹ باآسانی جیت لیا، دوسرے سیٹ میں یوکووچ نے سخت مقابلہ کیا لیکن جیت اس بار بھی اینڈی مرے کی ہوئی۔ یہ برٹش اسٹار کے کیریئر کا تیسرا ماسٹرز سیریز اور مجموعی طور پر گیارہواں ٹائٹل ہے۔

Australian Open Rafael Nadal und Roger Federer Einzel Männer

عالمی نمبر ایک کوارٹر فائنل جب کہ عالمی نمبر دو سیمی فائنل کھیل کر ٹورنامنٹ سے باہر ہو گئے

اس سے قبل بیلا روس کی انیس سالہ ٹینس اسٹار وکٹوریہ ازرنکا نے عالمی نمبر ایک سرینا ولیمز کی انجری کا مکمل فائدہ اٹھاتے ہوئے میامی ٹینس ٹورنامنٹ کے خواتین کے انفرادی مقابلون کے فائنل میں فتح حاصل کر لی۔

وکٹوریہ ازرنکا نے فائنل میں امریکہ کی عالمی نمبرایک سرینا ولیمز کے خلاف چھ تین اور چھ ایک کے اسکور سے اسٹریٹ سیٹ میں کامیابی حاصل کی۔

انجری کا شکار سرینا ولیمز نے ٹانگ پرٹیپ لگائے ہوئے تھے اور پورے میچ میں وہ اپنے روایتی انداز میں حرکت نہیں کرسکیں، اس طرح سرینا ولیمز میامی میں چھٹا ٹائٹل حاصل کرنے میں ناکام رہیں اوروکٹوریہ ازرنکا نے کیریئر کا پہلا ماسٹرزسیریز اعزاز جیت لیا۔

Serena Williams - Sportlerin des Jahres 2002

عالمی نمبر ایک سیرینا ولیمز بھی فائنل میں نوجوان کھلاڑی سے شکست کھا گئیں

میامی ٹینس ٹورنامنٹ اس لحاظ سے منفرد رہا کہ اس میں عالمی شہرت یافتہ اور سر فہرست کھلاڑیوں کو ٹورنامنٹ سے باہر ہونا پڑا ہسپانوی کھلاڑی عالمی نمبر ایک رافائل ندال، نوجوان کھلاڑی دیل پوترو سے کوارٹر فائنل میں ہار گئے جب کہ سوئس عالمی نمبر دو راجر فیڈرر بھی میامی اوپن ٹینس ٹورنامنٹ کے سیمی فائنل میں شکست کے بعد ایونٹ سے باہر ہوئے۔


سیمی فائنل میں سربیا کے تھرڈ سیڈ نوواک ڈوکووچ نے انتہائی شاندار کھیل کا مظاہرہ کرتے ہوئے سوئٹزر لینڈ کے راجر فیڈرر کو شکست دے دی۔ پہلے سیٹ میں تین چھ سے شکست کے باوجود اگلے دونوں سیٹس میں کم بیک کرتے ہوئے چھ دواورچھ تین سے کامیابی حاصل کرلی تھی۔