1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

موہالی ٹیسٹ: گھمبیر کی سنچری، ڈراوڈ کی نصف سنچری

بھارتی کرکٹ ٹیم نے افتتاحی بیٹسمین گوتم گھمبیر کی سنچری اور راہل ڈراوڈ کی نصف سنچری کی بدولت انگلینڈ کے خلاف موہالی ٹیسٹ میچ کے پہلے دن کے کھیل کے اختتام تک ایک وکٹ کے نقصان پر 179 رن بنالئے ہیں۔

default

موہالی میں جاری ٹیسٹ میچ میں گوتم گھمبیر نے سنچری اور راہل ڈراوڈ نے نصف سنچری سکور کی

پہلے دن کے کھیل کے اختتام پر گوتم گھمبیر 106 اور راہل ڈراوڈ 65 رنوں کے ساتھ ناٹ آوٴٹ تھے۔ گھمبیر نے اپنے ٹیسٹ کیرئیر کی چوتھی سنچری سکور کی جبکہ کافی عرصے کے بعد ڈراوڈ نے واپس فارم میں آکر اپنے کیرئیر کی 54 ویں نصف سنچری سکور کی۔

موہالی میں سنچری سکور کرنے کے بعد گوتم گھمبیر نے کہا کہ یہ میدان اُن کے لئے بہت ہی اچھا ثابت ہوا ہے۔ ’’ یقیناً یہ میرے لئے لکی گراوٴنڈ ہے۔ میں اپنی کارکردگی سے بے حد خوش ہوں کیوں کہ آج بیٹنگ کرنا اتنا آسان نہیں تھا، ہوا میں بہت سوئینگ تھا اور انگلینڈ کے گیندباز بہت اچھی اور نپی تلی بولنگ کررہے تھے۔‘‘

جارحانہ اوپننگ بیٹسمین وریندر سہواگ کے جلدی آوٴٹ ہونے کی وجہ سے اگرچہ بھارتی ٹیم کا آغاز اچھا نہیں رہا تاہم اس کے بعد گھمبیر اور ڈراوڈ نے ناقابل شکست شراکت میں 173 رن جوڑے۔ جب بھارت کا مجموعی سکور 179 تھا توامپائروں نے خراب روشنی کے باعث پہلے دن کے کھیل کے ختم ہونے کا فیصلہ کیا۔

بھارت نے انگلینڈ کے خلاف چنئی میں کھیلے جانے والا ٹیسٹ سیریز کا پہلا میچ چھہ وکٹ سے جیت لیا تھا۔