1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

موہالی ٹیسٹ :بھارت کی میچ پر مکمل گرفت

بھارت اور آسٹریلیا کے درمیان موہالی میں کھیلے جانے والے دوسرے ٹیسٹ میچ کے چوتھے روز گوتھم گمبھیر کی سینچری اور سہواگ کی عمدہ اننگز کے بعد بولنگ کے شعبے میں بھی شاندار کارکردگی سے بھارت کی میچ پر گرفت مضبوط ہو گئی ہے ۔

default


بھارت نے چو تھے دن اپنی دوسری نامکمل ننگز کا آغازبغیر کسی وکٹ کے نقصان کے ایک سو رنز سے کیا۔ سہو اگ اورگمبیھرکی اوپنگ جوڑی نے شاندار بلے بازی کا مظاہرہ کر تے ہو ئے اسکورکو آگے بڑھایا، دنوں اوپنرز نے کینگرو باؤلرز کو اعتماد کے ساتھ کھیلا۔

آسٹریلیا کو پہلی کامیابی اس وقت حاصل ہوئی جب 182 کے مجموعی اسکورپر سہو اگ، سڈل کی گیند پر ہیڈن کے ہاتھوں کیچ آؤٹ ہو گئے، انہو ں نے 90 رنز کی عمدہ اننگز کھیلی جس میں آٹھ چوکے بھی شامل تھے ۔

Cricket Test Match zwischen Indien und Australien

بھارت نے بیٹنگ کے ساتھ ساتھ بولنگ کے شعبے میں بھی زبردست کارکردگی کا مظاہرہ کیا۔



سہواگ کے آؤٹ ہونے کے بعد بھارتی کپتان دھونی میدان میں اترے انہوں نے گمبھیر کے ساتھ مل کر اسکورمیں 42 رنز کا اضافہ کیا۔ 224 رنز پر آسٹریلیا کو دوسری کامیابی گمبھیر کی وکٹ کی صورت میں ملی، وہ وائٹ کے ہاتھوں شکار ہوئے۔ گمبھیر نے شاندار سنچری اسکور کی، انہوں نے 148 گیندوں پر104 رنز بنائے۔ اس کے علاوہ سہواگ 90 اورگنگولی 27رنز بنا کر آؤٹ ہوئے جب کہ دھونی 68 اور سچن ٹنڈولکر 10رنز کے ساتھ ناقابل شکست رہے۔ آسٹریلیا کی جانب سے بریٹ لی، سڈل اور وائٹ نے ایک ایک وکٹ حاصل کی۔

ٹیسٹ کے چوتھے روز بھارت نے 314 رنزپر اپنی انگز ڈکلئیر کر دی آسٹریلیا کو مچ جیتنے کے لئے مجموعی طور پر516 رنز درکار ہیں

Cricket Test Match zwischen Indien und Australien

آسٹریلوی کپتان رکی پونٹنگ آؤٹ ہو کر واپس پویلین جا رہے ہیں۔

آسٹریلیا کی جانب سے دوسری اننگز کا آغاز کچھ زیادہ متاثر کن دکھائی نہیں دیا۔آسٹریلیا نے اپنی ابتدائی پانچ وکٹیں جلد کھو دیں۔ چوتھے روز کے اختتام پر آسٹریلیا 141رنز 5 کھلاڑیوں کے نقصان پراپنی دوسری اننگز کھیل رہا ہے۔ چھوتھے روزکے کھیل میں بھارت کی جانب سے ہربجن سنگھ نے تین جب کہ شرما نے دو آسٹریلوی بلے بازوں کو پویلین کی راہ دکھائی۔ آسٹریلوی بلے باز کلارک اورمیتھیو ہیڈن وکٹ پر موجود ہیں مگر آسٹریلیا ایک کمزور پوزیشن میں آچکا ہے اور کھیل پر بھارتی ٹیم کی گرفت بہت مضبوط دکھائی دیتی ہے۔

ملتے جلتے مندرجات