1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

موٹر ریسنگ: بیلجیئم گراں پری میں کمی رائی کونن کی فتح

فارمولا وَن ورلڈ ڈرائیورز چیمپئن شپ کے مجموعی طور پر سترہ میں سے بارہواں گراں پری مقابلہ اتوار کو بیلجیئم میں شپا کے مقام پر منعقد ہوا۔ یہ ریس فن لینڈ کے کمی رائی کونن نے جیت لی۔

default

فیراری ٹیم کے کمی رائی کونن کو چوتھی مرتبہ بیلجیئم کی یہ گراں پری ریس جیتنے کا اعزاز حاصل ہوا ہے جبکہ اُن کی ٹیم کے لئے موجودہ سیزن میں یہ پہلا اعزاز ہے۔ اب تک اُنہوں نے ایک سو اکیاون گراں پری ریسوں میں شرکت کی ہے اور یہ اُن کی مجموعی طور پر اٹھارویں کامیابی تھی۔

چوالیس راؤنڈز پر مشتمل یہ مقابلہ اُنہوں نے ایک گھنٹے، تیئیس منٹ اور پچاس اعشاریہ نو نو پانچ سیکنڈز میں طے کیا۔

ہفتے کے روز غیر متوقع طور پر پول پوزیشن حاصل کرنے والے فورس انڈیا ٹیم کے چھتیس سالہ اطالوی ڈرائیور جان کارلو فزی کیلا دوسرے نمبر پر رہے اور یوں اُنہوں نے اپنی ٹیم کو پہلی مرتبہ پوائنٹس دلوائے۔

Formel 1 in Spa Siegerehrung Flash-Galerie

کمی رائی کونن، جان کارلو فزی کیلا اور ، سیباستیان فَیٹل ایک ساتھ

جرمنی کے ریڈ بُل ٹیم کے سیباستیان فَیٹل نے تیسری پوزیشن حاصل کی جبکہ مجموعی کارکردگی کے اعتبار سے بھی وہ تیسری ہی پوزیشن پر ہیں۔ فَیٹل کے پوائنٹس کی تعداد اب بڑھ کر تریپن ہو گئی ہے اور یوں اُن کے پوائنٹس کی تعداد مجموعی کارکردگی کے اعتبار سے پہلے نمبر پر جا رہے برطانیہ کے جینسن بٹن سے صرف اُنیس کم رہ گئی ہے۔

جینسن بٹن، جن کے اب تک بہتر پوائنٹس ہیں، اتوار کی اِس ریس میں پہلے ہی راؤنڈ میں چار گاڑیوں کے ایک دوسرے سے ٹکرا جانے کے نتیجے میں مقابلے سے خارج ہو گئے۔ اِس سال پہلی مرتبہ ایسا ہوا کہ بٹن مقابلے سے خارج ہو گئے۔ اُن کے ہم وطن اور اپنے اعزاز کا دفاع کرنے والے لیوئس ہیملٹن بھی پہلے ہی راؤنڈ میں مقابلے سے باہر ہو گئے۔ اتوار کی ریس میں جرمنی ہی کے ولیم سوار نِک روزبرگ آٹھویں نمبر رہے۔

رپورٹ: امجد علی

ادارت: ندیم گِل

DW.COM