1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

مورینیوکی جرمن کھلاڑیوں میں دلچسپی

ریئل میڈرڈ فٹ بال کلب کے نئے کوچ یوزے مورینیو ذمہ داریاں سنبھالنے کے بعد ایک نئی ٹیم کی تیاری کے مرحلے میں ہیں۔ اطلاعات کے مطابق ایک مضبوط ٹیم کے لئے وہ جرمن فٹ بال کھلاڑیوں کو اپنے کلب میں شامل کرنے کی خواہش رکھتے ہیں۔

default

دنیائے فٹ بال کے مہنگے ترین کوچ یوزے مورینیو

جمعہ کے دن دنیائے فٹ بال کے مہنگے ترین کوچ یوزے مورینیو نے میڈرڈ میں ریئل میڈرڈ کلب کی نئی بنیاد رکھنی شروع کی۔ پرتگال سے تعلق رکھنے والے مورینیو نے ٹیم کے لئے نئے سخت ضوابط بھی متعارف کروائے، جن میں وقت کی پابندی، مناسب ڈریسنگ، مثبت رویہ ، خوراک اور فٹنس جیسی چیزوں کی ایک فہرست جاری کی۔ فٹ بال سے شناسائی رکھنے والے لوگ اچھی طرح جانتے ہوں گے کہ مورینیو نے جس کلب کی بھی کوچنگ کی، وہاں اپنے ضوابط ہی مرتب کئے۔

NO FLASH Fußball WM 2010 Deutschland Ghana

نوجوان کھلاڑی محسوت اوزل

اب ریئل میڈرڈ کی کوچنگ سنبھالنے کے بعد وہ وہاں بھی ٹیم کو اپنے طریقے سے چلانا چاہتے ہیں، اور انہیں اس بات کی اجازت بھی دی جا چکی ہے۔ مورینیو کا خیال ہے کہ وہ اپنے کلب کو ایک مضبوط ٹیم کی شکل دینے کی غرض سے کئی اہم جرمن کھلاڑیوں پر انحصارکرسکتے ہیں۔

اطلاعات کے مطابق ممکنہ طور پر جو جرمن کھلاڑی ریئل میڈرڈ کے ساتھ معاہدہ کر سکتے ہیں، ان میں نوجوان اکیس سالہ محسوت اوزل، سمی خدیرا، ماریو گومز، بستیان شوائن شٹائیگر اور تھوماس ملر شامل ہیں۔

بدھ کے دن ہی شٹٹ گارٹ کلب کی نمائندگی کرنے والے سمی خدیرا نے میڈرڈ میں مورینیو سے ملاقات کی۔ بتایا جاتا ہے کہ اس ملاقات کے دوران اس جرمن دفاعی مڈ فیلڈر کو کوئی دس ملین یوروکے معاہدے کی دعوت دی گئی۔ رپورٹوں کے مطابق ریئل میڈرڈ اور سمی خدیرا کے مابین ڈیل تقریباﹰ مکمل ہو چکی ہے۔

اسی طرح ہفتے کے دن سپین کے ذرائع ابلاغ میں یہ خبریں گردش کرتی رہیں کہ سمی خدیرا کے بعد اب ریئل میڈرڈ کے کوچ مورینیو، جرمن کلب بریمن کی طرف سے کھیلنے والے کھلاڑی محسوت اوزل کے ساتھ ڈیل کرنے کی کوشش میں ہیں۔

Sami Khedira vom VfB Stuttgart

سمی خدیرا

ہسپانوی اخباروں نے یہ دعوے بھی کئے ہیں کہ مورینیو ، جرمنی کے میونخ کلب کے روح رواں شوائن شٹائیگراور تھوماس ملر میں بھی دلچسپی رکھتے ہیں۔ فیفا ورلڈ کپ سن دو ہزاردس میں جرمن ٹیم کے ریزور کھلاڑی ماریو گومز کا نام بھی ان کھلاڑیوں میں شامل ہے، جو ممکنہ طور پرریئل میڈرڈ کا حصہ بن سکتے ہیں۔

خیال رہے کہ جرمن کھلاڑیوں کا ریئل میڈرڈ کی طرف سے کھیلنا، ماضی کی ایک مضبوط روایت رہا ہے۔

رپورٹ: عاطف بلوچ

ادارت: افسر اعوان

DW.COM