1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

موت کی سزا کے لیے ہماری پراڈکٹ استعمال نہ کی جائے، فائزر

امریکا میں موت کی سزا پر عمل درآمد مجرم کو زہریلا انجیکشن دے کر کیا جاتا ہے۔ زہریلے انجیکشن میں سنگل کیمیکل پراڈکٹس کا استعمال کیا جاتا ہے۔ فائزر کمپنی نے اپنی کسی ایسی پراڈکٹ کے استعمال پر اعتراض کیا ہے۔

فائزر نے اپنی کیمیاوی پراڈکٹ پر خود سے پابندی عائد کرنے کے بیان میں کہا کہ ادارہ زندگی بچانے کی دوائیں بنانے کی ریسرچ کے ساتھ ساتھ بیماریوں کو رفع کرنے کی ریسرچ جاری رکھے ہوئے ہے اور ایسے میں اُس کی کوئی ایک پراڈکٹ کا استعمال موت لانے کے لیے کیا جائے تو ادارے کے ساکھ کو متاثر کرنے کے لیے یہ کافی ہے۔ دوا ساز کمپنی نے موت کی سزا کے منتظر قیدیوں کے لیے اپنی پراڈکٹ کے استعمال پر شدید اعتراض کیا ہے۔ اِس باعث عالمی شہرت کے بین الاقوامی فارماسیوٹیکل ادارے نے اپنی کیمیکل مرکب کی پیداوار پر پابندی عائد کرتے ہوئے سپلائی کو کنٹرول کرنے کا فیصلہ کیا ہے۔

مبصرین کے مطابق فائزر کے اِس اعلان سے اُس پر کوئی مالیاتی مشکل گرنے کا امکان کم ہے۔ اسی دوران فائزر نے امریکی ریاست الی نوائے میں قائم حجم کے اعتبار سے قدرے چھوٹی دوا ساز کمپنی لیک فوریسٹ کو خرید لیا ہے۔ لیک فوریسٹ کی فروخت پندرہ بلین ڈالر سے زائد میں طے پائی تھی۔ اس کمپنی کی سابقہ مالک ہوسپرا لمیٹڈ تھی۔ اس کمپنی نے بھی امریکی جیل حکام کو اپنے ایک کیمیکل مرکب پوٹاشیم کلورائیڈ کو استعمال کرنے سے روک دیا تھا۔ پوٹاشیم کلورائیڈ کے استعمال سے مجرم کا دل کام کرنا بند کر دیتا تھا۔

Russland Medikamentenmarkt

امریکی دوا ساز ادارہ فائزر کئی بیماریوں کے لیے دوائیں بنانے کی ریسرچ بھی جاری رکھے ہوئے ہے

موت کی سزا دینے کے لیے مجرموں کو دیے جانے والے زہریلے انجیکشن میں ایک سے زیادہ کیمیکل مرکبات شامل کیے جا سکتے ہیں۔ کئی امریکی دوا ساز اداروں نے جیل حکام کو اپنی تیار کردہ کیمیکل مواد کو استعمال سے روک دیا ہے۔ جیل حکام کو مجرموں کو عدالت کی جانب سے سنائی گئی موت کی سزا پر عمل درآمد میں شدید مشکلات کا سامنا ہے۔ امریکا کے قومی ادارے، خوراک اور ڈرگز ایجنسی (FDA) کی منظور شدہ پچیس امریکی اور بیرون ممالک کی دوا ساز کمپنیوں نے ایسی کیمیاوی مرکبات کے استعمال سے امریکی جیل حکام کو روک دیا ہے، جو ممکنہ طور پر زہریلے انجیکشن کو تیار کرنے میں استعمال ہو سکتے ہیں۔

فائزر کی جانب سے عائد پابندی کے بعد امریکی جیل حکام کو موت کی سزا کے منتظر قیدیوں کی سزا پر عمل درآمد کرنے میں زہریلے کیمیکل کمپاؤنڈ کی تلاش کے چیلنج کا سامنا ہے۔ سوشل ماہرین کا خیال ہے کہ فائزر کے اعلان سے امریکا میں موت کی سزا پر عمل رک نہیں جائے گا بلکہ یہ صرف سست ہو سکتا ہے کیونکہ کئی ریاستیں موت کی سزا کے لیے سنگل کیمیکل پراڈکٹ کی بجائے ایک سے زائد کیمیکل کے کمپاؤنڈ تیار کر کے استعمال کر رہی ہیں۔ ایسے کمپاؤنڈ امریکی ادارے ایف ڈی اے کے دائرہ اختیار سے باہر خیال کیے جاتے ہیں۔