1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ممبئی میں فائرنگ اور دھماکے

بھارت کے اقتصادی مرکز ممبئی میں بدھ اور جمعرات کی درمیانی شب فائرنگ کے مختلف واقعات میں بھارتی حکام نے کم از کم چالیس افراد کی ہلاکت کی تصدیق کر دی ہے۔

default

ممبئی کا چھتراپتی شیواجی ریلوے اسٹیشن

تاہم مختلف ذرائع ابلاغ ہلاک شدگان کی تعداد ایک سو بتارہے ہیں جبکہ زخمیوں کی تعداد 250 سے تجاوز کرگئی ہے۔ ممبئی پولیس اورمقامی ذرائع ابلاغ کے مطابق بھاری اسلحہ سے لیس نامعلوم افراد نے جنوبی ممبئی کے سات مختلف مقامات پرفائرنگ کی۔ ان مقامات میں ممبئی کا مشہور تاج ہوٹل، اوبرائے ہوٹل اورچھتراپتی شیواجی ریلوے اسٹیشن شامل ہیں۔

Anschläge und Schießereien in Indien Bombay

فائرنگے کے واقعے کے بعد ریلوے اسٹیشن کے باہر کے منظر

ریلوے کمشنر کے مطابق چھترا پتی شیواجی ریلوے اسٹیشن میں دوافراد نے مسافروں کے لاؤنج میں داخل ہوتے ہی فائرنگ شروع کردی، جس سے تقریبا دس افراد موقع پر ہلاک اور تیس کے زخمی ہونے کی اطلاع ہے۔ جبکہ ڈاک یارڈ روڈ پرفائرنگ میں تین، اور تاج ہوٹل میں بھی تین افراد ہلاک ہوئے۔

ایسی اطلاعات بھی ہیں کہ تاج ہوٹل میں ہلاک ہونے والے تمام افراد ہوٹل کے ملازمین تھے، جبکہ دوسری جانب یہ بھی کہا جا رہا کہ تاج ہوٹل میں ہلاک ہونے والوں میں کئی غیر ملکی بھی شامل ہیں۔

Anschläge und Schießereien in Indien Bombay

زخمی کو ہسپتال لے جایا جا رہا ہے


غیرمصدقہ اطلاعات کے مطابق مسلح افراد نے اوبرائے اور تاج ہوٹل میں کچھ افراد کو یرغمالی بھی بنایا ہوا ہے۔ فائرنگ کے واقعات میں زخمی ہونے والوں میں کئی ایک کی حالت نازک بتائی جاتی ہے۔

شہرمیں سیکیورٹی سخت کر دی گئی ہے اور اعلی پولیس افسران جائے وقوعہ پر پہنچ چکے ہیں۔