1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ممبئی حملوں کے بعد کیا ٹیسٹ سیریز ہو پائے گی؟

ممبئی میں دہشت گرد کا رروئیواں کے بعد انگلینڈ کی ٹیم دورہ بھارت ادھورا چھوڑ کروطن واپس روانہ ہورہی ہے۔ انگلش کپتان کے مطابق ٹیسٹ سیریز کے لئے بھارت واپسی کا فیصلہ کھلاڑیوں کی رضامندی کے بعد کیا جائے گا۔

default

انگلش بورڈ نے بھی آخری دو ون ڈے میچوں کےمنسوخی کی تصدیق کر دی ہے۔

بھارتی کرکٹ بورڈ ترجمان کے مطابق انگلینڈ کو ممبئی دھماکو ں کے بعد سیکورٹی کے حوالے سے سخت خدشات لاحق تھے۔ انہو ں نے بتایا کہ بھارتی بورڈ نے انگلش ٹیم کی درخواست پر انتیس نو مبر کوگوہاٹی او دو دسمبر کو نئی دہلی میں کھیلے جانے والے میچ منسوخ کردیئے ہیں تاہم ان کا کہنا تھا انگلش بورڈ نے ٹیسٹ سیریز کے لئے اپنی آمادگی ظاہر کر دی ہے۔ انہوں نے یہ بھی کہا کہ انگلش بورڈ کی درخواست پر دوسرا ٹیسٹ میچ جسے شیڈول کے مطابق ممبئی میں ہونا تھا اسے جنوبی بھارت میں منتقل کر دیا گیا ہے۔

Cricketspiel England gegen Indien

انگلش کپتان کا کہنا ہے کہ بھارت واپسی کا فیصلہ کھلاڑیوں کی رضامندی سے ہو گا

دوسری جانب انگلینڈ کی ٹیم کے کپتان کیون پیٹرسن جو ہفتہ کی صبح ٹیم کے ہمراہ واپس وطن روانہ ہو رہے ہیں ان کا کہنا ہے کہ ٹیسٹ سیریز کے لئے بھارت واپسی کا فیصلہ کھلاڑیوں کی رضامندی سے ہو گا۔ ان کا کہنا تھا کہ اگر کھلاڑیوں نے ٹیسیٹ سیریز کھیلنے میں آمادگی ظاہر نہ کی تو وہ انہیں مجبور نہیں کریں گے۔ پیٹرسن نے واضح کیا کہ ہم سلامتی کی صورتحال کا جائزہ لیں گے اور اگر ہمیں شبہات ہوئے تو ہم ہر گز واپس نہیں آئیں گے۔


دونوں بورڈز نے تاحال ٹیسٹ سیریز کے شیڈول میں کسی قسم کی تبدیلی کا عندیہ نہیں دیا۔ ٹیسٹ میچ سے قبل انگلینڈ اور بھارت کے مابین پانچ دسمبر سے کھیلا جانے والا وارم اپ میچ بھی شیڈول میں ابھی تک جوں کا توں ہے تاہم سوال یہ پیدا ہوتا ہے کہ کیا انگلینڈ کی ٹیم صرف چار یا پانچ دنوں کے لئے وطن واپس جارہی ہے؟