1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ممبئی بم دھماکوں میں 190 افراد ہلاک

بھارت کے اقتصادی مرکز ممبئی میں منگل کی شام مسافروں سے بھری ہوئی ریل گاڑیوں میں متعدد بم دھماکے ہوئے۔ چلتی گاڑیوں پر ہونےوالے اِن دھماکوں کے نتیجے میں 190 افراد ہلاک اور سینکڑوں زخمی ہو گئے۔

دھماکوں کے بعد لوگ پٹڑیوں پر کھڑے نظر آ رہے ہیں

دھماکوں کے بعد لوگ پٹڑیوں پر کھڑے نظر آ رہے ہیں

بتایا گیا ہے کہ یہ کم از کم سات بم دھماکے چند منٹ کے اندر اندر ہوئے۔ پہلا دھماکہ شام چَھ بج کر 24 منٹ پرKhar کے مقام پر ہوا تھا۔ دھماکوں کے بعد بعض مقامات پر کئی خوفزدہ مسافروں نے چلتی گاڑیوں میں سے چھلانگ لگا دی۔ 17 ملین آبادی والے ممبئی میں روزانہ چالیس لاکھ افراد مقامی ریلوے نیٹ ورک کے ذریعے سفر کرتے ہیں۔

دھماکوں سے پیدا شُدہ صورتِ حال پر غور کرنے کے لئے نئی دہلی میں وزیرِ اعظم من موہن سنگھ کی صدارت میں کابینہ کا ایک ہنگامی اجلاس جاری ہے۔