1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ملک نے ماہا ’آپا‘ کو طلاق دے دی

پیشہ ورانہ اور ذاتی زندگی میں تنازعات میں گھرے پاکستانی کرکٹر شعیب ملک اب چین کی سانس لے سکتے ہیں۔ ملک نے اپنی پہلی بھارتی اہلیہ عائشہ صدیقی کو طلاق دے دی ہے۔ اب وہ بھارتی ٹینس سٹار ثانیہ مرزا کے ساتھ شادی کر سکتے ہیں۔

default

شعیب ملک اور ثانیہ مرزا

شعیب ملک نے سات سال قبل بھارتی شہر حیدرآباد سے تعلق رکھنے والی عائشہ صدیقی نامی لڑکی سے نکاح کیا تھا، لیکن وہ مسلسل اس بات سے انکار کرتے چلے آ رہے تھے۔

ملک اب پندرہ اپریل کو بھارتی ٹینس سٹار ثانیہ مرزا کے ساتھ رشتہ ازدواج میں بندھنے والے ہیں۔ مرزا اور ملک کی شادی سے پہلے عائشہ صدیقی کے والد نے شعیب ملک کے خلاف دھوکہ دہی، فون پر دھمکیاں دینے اور اُن کی بیٹی کو ہراساں کرنے کے سلسلے میں مقدمہ درج کرایا تھا۔ پولیس کیس کے باعث پاکستانی کرکٹر ملک کی پریشانیوں میں اضافہ ہوگیا تھا۔

Heirat Cricketspielerin Shoaib Malik und Tennisstar Sania Mirza

کرکٹر اور ٹینس سٹار کا ملن

ثانیہ مرزا کے چچا مسٹر شفیع نے بدھ کے روز عائشہ صدیقی کے گھر پر ایک مشترکہ نیوز کانفرنس میں کہا کہ ملک اور صدیقی کے نکاح کا تنازعہ اب ایک سمجھوتے کے نتیجے میں ختم ہوگیا ہے۔ فریقین کے درمیان اس معاہدے کے تحت اب شعیب ملک کو آئندہ تین ماہ تک شرعی اعتبار سے عائشہ صدیقی کو پانچ پانچ ہزار روپے کی رقم ادا کرنا ہوگی۔ اطلاعات کے مطابق اب ملک کے خلاف دائر تمام مقدمے واپس لئے جائیں گے۔ اس سلسلے میں پولیس میں عرضی بھی داخل کر دی گئی ہے۔

شعیب ملک کے خلاف عائشہ صدیقی کو ہراساں کرنے، اسے چھوڑ کر دوسری لڑکی سے شادی کرنے اور چپ رہنے کی دھمکیاں دینے کے سنگین الزامات ہیں۔ بنجارا ہلز پولیس نے بتایا کہ شعیب ملک پر 420، 498-A اور 506 دفعات کے تحت مقدمات درج ہیں۔

Sania Mirza

ٹینس سٹار ثانیہ مرزا

فریقین کے درمیان اس تنازعے کو ختم کرنے کے لئے حیدرآباد کی مسلم برادری اور عائشہ صدیقی اور ثانیہ مرزا کے قریبی رشتہ داروں نے کلیدی کردار ادا کیا۔

جوائنٹ پریس کانفرنس کے وقت عائشہ صدیقی کی والدہ فریسہ اور ریاست آندھرا پردیش میں کانگریس کے جنرل سیکریٹری عابد رسول خان صدیقی کے گھر پرموجود تھے۔ مسٹر خان اور مسٹر شفیع نے بتایا کہ تنازعہ کا خوش اسلوبی سے خاتمہ ہوگیا ہے۔ ان کے مطابق شعیب ملک اور عائشہ صدیقی کے نکاح کا متنازعہ معاملہ اسلام اور مسلم برادری کی بدنامی کا سبب بن رہا تھا۔

Shoaib Malik

شعیب ملک صفائی دیتے ہوئے

پریس کانفرنس کے موقع پر عائشہ کی والدہ فریسہ نے بتایا کہ اپنی بیٹی کو انصاف ملنے پر اب وہ بہت خوش ہیں۔’’میری بیٹی کو بہت سارے مصائب اور مشکلات کا سامنا کرنا پڑا ہے۔ آخر کار میری دختر کے ساتھ انصاف ہوگیا ہے۔ اب وہ بہت خوش ہیں۔‘‘

انڈین ٹینس سٹار ثانیہ مرزا کے ساتھ شادی کرنے کا خواب آنکھوں میں سجائے بھارتی شہر حیدرآباد پہنچے پاکستانی کرکٹ کھلاڑی شعیب ملک زبردست ذہنی تناوٴ کا شکار ہوگئے تھے۔

اٹھائیس سالہ کرکٹر ملک گزشتہ ہفتے حیدر آباد پہنچے تھے، جہاں انہوں نے ثانیہ مرزا کے ساتھ نکاح کرنے کا باقاعدہ اعلان کیا۔ شعیب ملک نامہ نگاروں کے حساس سوالوں کا جواب نہیں دے پا رہے تھے تاہم وہ عائشہ صدیقی کے ساتھ فون پر اپنے نکاح کو ''غیر معتبر‘‘ قرار دے رہے تھے۔

اس وقت شعیب ملک کو قومی کرکٹ بورڈ کی طرف سے ایک سال کی پابندی کا بھی سامنا ہے۔

رپورٹ: گوہر نذیر گیلانی/خبر رساں ادارے

ادارت: افسر اعوان

DW.COM