1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

مقتول پاکستانی لیڈر بے نظیر بھٹو کی سالگرہ

پاکستان میں فوج مقامی طالبان کے لیڈر بیت اُللہ محسود کے گرد گھیرا تنگ کرنے کی کوشش میں ہے۔ اُن پر الزام عائد ہے کہ وہ بے نظیر بھٹو کے قتل کے ماسٹر مائنڈ ہیں۔ مقتول لیڈر کی سالگرہ پاکستان پیپلز پارٹی نے منائی۔

default

بے نظیر بھٹو کا قتل ہونے کے بعد کا ایک پوسٹر

آج پاکستان پیپلز پارٹی کے کارکنوں نے پاکستان کی سابق وزیر اعظم اور موجودہ پاکستانی صدر کی مقتول اہلیہ بے نظیر بھٹو کی 56 ویں سالگرہ کے موقع پر مختلف مقامات پر تقریبات کا اہتمام کیا۔

پیپلز پارٹی کے کارکنوں نے متاثرین مالاکنڈ کے لئے خون کے عطیات دئے۔ اس حوالے سے نو ڈیرو میں ایک تقریب سے خطاب کرتے ہوئے صدر آصف علی زرداری نے کہا کہ وہ بے نظیر بھٹو کے فلسفے کی پیروی کرتے ہوئے غربت جہالت اور دہشت گردی کے خلاف جنگ جاری رکھیں گے۔ انھوں نے یقین دلایا کہ نقاب پوش شدت پسندوں کو کسی صورت ملک پر فابض ہونے نہیں دیا جائے گا۔

بے نظیر بھٹو کے قتل کی اقوام متحدہ کی تحقیقات کے حوالے سے صدر زرداری نے کہا کہ قتل کی تحقیقات ان کی حکومت خود کرے گی تاہم بقول ان کے اس سلسلے میں اقوام متحدہ کی معاونت لی جائے گی۔

Audios and videos on the topic