1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

معزول چیف جسٹس کو بحال کیا جائے گا: پاکستانی وزیر اعظم

پاکستانی وزیر اعظم یوسف رضا گیلانی نے ملک کے سیاسی بحران کے خاتمے کے لئے سابق صدر پرویز مشرف کے دور میں معزول کئے گئے چیف جسٹس افتخار چودھری اور دیگر وکلاء اور ججوں کو بحال کرنے کا فیصلہ کیا ہے۔

default

سابق پاکستانی صدر پرویز مشرف نےافتخار چوہدری اور ان کے متعدد ساتھیوں کو نومبر دو ہزار سات میں برطرف کردیا تھا

اس سلسلے میں قوم کے نام وزیر اعظم کی پہلے سے ریکارڈ کی گئی تقریر پیر کی صبح پاکستان کے میعاری وقت کے مطابق چھہ بجے نشر کی گئی۔

پاکستان مسلم لیگ ن نے اس حکومتی اعلان کا خیر مقدم کرتے ہوئے اسے قوم، سول سوسائٹی اور عدلیہ کی بحالی کے لئے سرگرم وکیلوں کی فتح قرار دیا ہے۔

اس سے قبل سینئیر اپوزیشن رہنما چودھری نثار علی خان نے نجی ٹیلی ویژن نیوز چینل ’’جیو‘‘ کے ساتھ بات چیت کرتے ہوئے کہا تھا کہ وزیر اعظم گیلانی یہ اعلان ٹیلی ویژن پر قوم کے نام اپنے خطاب میں کرنے والے ہیں۔ چودھری نثار علی خان کے مطابق وزیر اعظم گیلانی نے انہیں یقین دلایا ہے کہ سابق صدر جنرل ریٹائرڈ پرویز مشرف کے ہاتھوں معزول کئے گئے تمام ججوں کو بحال کیا جائے گا۔

افتخار محمد چوہدری اور متعدد ججوں اور وکیلوں کو نومبر دو ہزار سات میں برطرف کیا گیا تھا۔

DW.COM