1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

مصری سیاست میں اسلام کا کردار بڑھنا چاہیے: سروے

گزشتہ برس مسلمان ممالک میں کرائے گئے سروے کے مطابق مصری عوام ملکی سیاست میں اسلام کے کردار میں اضافے کے حق میں تو ہیں مگر وہ شدت پسندی کے خلاف ہیں۔ مزید یہ کہ مصریوں کے خیال میں بہترین سیاسی نظام جمہوریت ہی ہے۔

default

دوران احتجاج نماز

اس سروے کے نتائج امریکہ میں قائم PEW Research Center کی طرف سے گزشتہ برس دسمبر میں شائع کیے گئے۔ ان نتائج سے مصر میں صدر حسنی مبارک کے طویل اقتدار کے خلاف جاری مظاہروں اور احتجاج سے قبل مصری عوام کی سوچ کا اندازہ ہوتا ہے۔

عالمی رویوں کے بارے میں آگاہی کے پروجیکٹ کے لیے یہ سروے گزشتہ برس اپریل اور مئی میں کیا گیا۔ مسلم آبادی کے رویوں کے بارے میں جاننے کے لیے یہ سروے سات مسلمان ممالک میں کیا گیا، جن میں مصر، انڈونیشیا، اردن، لبنان، نائجیریا، پاکستان اور ترکی شامل ہیں۔ اس سروے میں لوگوں کی رائے انٹرویوز کے ذریعے حاصل کی گئی جس میں ایک ہزار افراد کے سیمپل گروپ سے سوالات پوچھے گئے۔ مصر میں کیے گئے سروے کے نتائج کچھ یوں ہیں،

سیاست میں اسلام کا کردار

- کیا یہ اچھی بات ہے کہ اسلام کو سیاست میں اسلام کا زیادہ وسیع کردار ہونا چاہیے؟

اس سوال کے جواب میں 95 فیصد نے اس کے حق میں رائے دی جبکہ دو فیصد نے اس کے خلاف۔

- سیاست پر اسلام کا اثر مثبت ہے یا منفی؟

85 فیصد کی رائے میں اسے مثبت جبکہ دو فیصد نے اسے منفی قرار دیا۔

- کیا مصر میں ایسے دو گروہوں کے درمیان کشمکش جاری ہے جن میں سے ایک اس ملک کو ماڈرن جبکہ دوسرا اسلامی بنیاد پرست بنانا چاہتا ہے؟

اس سوال کا جواب 31 فیصد نے ہاں میں دیا۔ ان میں سے 27 فیصد نے خود کو ماڈرن بنانے والوں کا حمایتی جبکہ 59 فیصد نے اسلامی بنیاد پرست بنانے والوں کا حامی بتایا۔

Egypt.jpg

59 فیصد مصریوں کے مطابق جمہوریت کسی بھی دیگر نظام حکومت پر فوقیت رکھتی ہے

اسلامی شدت پسندی

- کیا خودکش حملے جائز ہیں؟

46 فیصد مصریوں نے انہیں کسی بھی صورت میں جائز قرار نہیں دیا، 34 فیصد نے خاص حالات میں، 12 فیصد نے کبھی کبھار جبکہ آٹھ فیصد نے اکثر اوقات جائز قرار دیا۔

- کیا آپ دنیا میں بڑھتی ہوئی مسلم شدت پسندی پر فکر مند ہیں؟

70 فیصد کی رائے میں یہ امر بہت زیادہ فکر کا حامل ہے۔

- کیا آپ مصر میں اسلامی شدت پسندی پر پریشان ہیں؟

61 فیصد مصریوں نے اس پر بہت زیادہ فکرمندی یا فکر مندی ظاہر کی۔

جمہوریت

- کیا جمہوریت کسی بھی دیگر نظام حکومت پر فوقیت رکھتی ہے؟

59 فیصد مصریوں نے اس کا جواب ہاں میں دیا۔

- کیا مخصوص حالات میں کسی غیرجمہوری نظام کو فوقیت ملنی چاہیے؟

اس کا جواب محض 22 فیصد نے ہاں میں دیا۔

- کیا آپ پر اس سے کوئی فرق نہیں پڑتا کہ آپ کے ملک میں کونسا نظام حکومت ہے؟

صرف 16 فیصد مصری شہریوں نے اس کا جواب ہاں میں دیا۔

رپورٹ: افسراعوان

ادارت: کِشور مُصطفیٰ

DW.COM

ویب لنکس