1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

مشرف کا استعفی ، جمہوریت کی فتح

پاکستان میں برسر اقتدار سیاسی اتحاد نے پرویز مشرف کے استعفی کو جمہوریت کی فتح قرار دیاہے۔ پاکستان میں پرویز مشرف کے اپنے صدارتی عہدے سے مستعفی ہونے کے اعلان کے بعد ملا جلا ردعمل دکھائی دے رہا ہے۔

default

ملتان میں مسلم لیگ ن کے حامی خوشیاں مناتے ہوئے

سابق صدر مشرف کی یوان صدر سے براہ راست تقریر ،جس میں انہوں نے اعلان کیا کہ وہ صدارت کے عہدے سے مستعفی ہو رہے ہیں ،کے بعد مولانا فضل الرحمان اور نواز شریف اپنے سیاسی ساتھیوں کے ہمراہ زرداری ہاوس پہنچے اور مستقبل کی حکمت عملی پر غور کرنا شروع کیا تو دوسری طرف اتحادی سیاسی جماعتوں کے کارکنان نے میٹھائیاں تقسیم کیں اور پرویز مشرف کےخلاف نعرہ بازی کی۔

پاکستان مسلم لیگ ن کے رہنما احسن اقبال نے پرویز مشرف کے اس اعلان کے بعد کہا کہ یہ تمام قوم کے لئے خوشی کا دن ہے اور اب جلد ہی معزول عدلیہ کی بحالی بھی ممکن ہو سکے گی۔