1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

صحت

مسوڑوں کی بیماری، سرطان کا باعث بن سکتی ہے

وہ  خواتین جن کو اکثر مسوڑوں کی تکلیف رہتی ہے ان میں چھاتی اور غذا کی نالی کا سرطان لاحق ہونے کا خطرہ بڑھ جاتا ہے۔

ایک حالیہ تحقیق کے مطابق وہ افراد جنہیں ماضی میں مسوڑوں کی تکلیف کا سامنا رہا ہے ان میں سرطان کی بیماری لاحق ہونے کا خطرہ 14 فیصد بڑھ جاتا ہے۔ رپورٹ کے مطابق،’’ مسوڑوں کی بیماری کا زیادہ تعلق غذا کی نالی کے سرطان سے  بنتا ہے ان خواتین کو غذا کی نالی کے سرطان ہونے کے امکانات تین گنا بڑھ جاتے ہیں جنھیں مسوڑوں کی بیماری کا مسئلہ ہو۔‘‘

اس تحقیق کے لیے طبی ماہرین نے 65 ہزار عمر رسیدہ خواتین کی صحت کے حوالے سے سروے کیا تھا۔ اس تحقیق میں لکھا گیا ہے کہ مسوڑوں کی بیماری کی وجہ سے غذا کی نالی کو نقصان پہنچنے کا ایک تعلق یہ ہوسکتا ہے کہ غذا کی نالی منہ کے بہت قریب ہوتی ہے اور جراثیم جلد غذا کی نالی میں منتقل ہو سکتے ہیں جو سرطان کا باعث بن سکتا ہے۔

DW.COM