1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

مسلم دنیا میں عید الضحیٰ

دنیا بھر کے بیشتر ممالک میں منگل کو مسلمانوں نے عید الضحیٰ کا تہوار روایتی مذہبی عقیدے کے ساتھ منایا۔ پاکستان کے زیادہ تر علاقوں میں یہ عید آج منائی جا رہی ہے۔

default

نئی دہلی میں نماز عید الضحیٰ کا اجتماع

حج کے لئے کئے گئے انتظامات کے ناقص ہونے کی شکایت کرنے والے عازمین کے لئے جانور کی قربانی دینا اب زیادہ مشکل کام نہیں رہا۔ وہ جدہ شہر کے اسلامک ڈیویلپمنٹ بینک کی اے ٹی ایم مشینوں سے کوپن حاصل کرتے ہیں اور ان کے نام سے ان کی خواہش کے مطابق کے جانور کی قربانی دی جاتی ہے۔ قربانی کے جانوروں کا گوشت یخ کرکے دنیا بھر کے لگ بھگ 24 ممالک میں مفت تقسیم کے لئے روانہ کردیا جاتا ہے۔

پاکستان میں اس سال بہت سے شہری عید پر قربانی محض اس لئے نہیں کرپائے کہ جانوروں کی قیمت ان کی قوت خرید سے بہت سے زیادہ تھیں۔ پشاور میں مویشیوں کے ایک تاجر حجاب خان کے بقول حالیہ سیلاب سے بہت سے مویشی ہلاک ہوچکے ہیں جو ان کی قیمت بڑھنے کا اصل سبب ہے۔ پاکستان کے بہت سے حصوں میں بدھ کو عید منائی جارہی ہے۔

Islamischer Metzger in Marseilles

فرانسیسی شہر مارسائی میں قربانی

ادہر بھارت کے زیر انتظام مسلم اکثریتی ریاست کشمیر میں عید گھٹن و خاموشی کے ماحول میں منائی گئی۔ وادی ء کشمیر میں گزشتہ کچھ مہینوں کے دوران درجنوں نوجوانوں کی مبینہ طور پر پولیس کی فائرنگ سے ہلاکت کے سبب فضا سوگوار ہے۔ غزہ پٹی میں بھی عید کی چار روزہ تعطیلات پر طویل اسرائیلی ناکہ بندی کے سبب پیدا شدہ بے چینی و بیروزگاری کے سائے غالب رہے۔

مسلم ملک افغانستان میں بھی عید کے دن کا آغاز مساجد و عید گاہوں میں عید کی نماز سے ہوا۔ دارالحکومت کابل کی سڑکوں پر عید سے قبل قربانی کے لئے جانور بیچنے والوں کی بھیڑ رہی۔ ملکی صدر حامد کرزئی نے عید کے موقع پر اپنے خطاب میں ایک بار پھر طالبان عسکریت پسندوں سے مسلح مزاحمت ترک کرنے کی اپیل کی۔ واضح رہے کہ پیر کے روز طالبان لیڈر ملا عمر نے امن مذاکرات کی خبروں کو گمراہ کن افواہ قرار دیا تھا۔

BdT Fest des Fastenbrechens Zuckerfest Eid al Fitr

انڈونیشیا میں خواتین عید کی نماز ادا کرتے ہوئے

عراق میں عید کے موقع پر بھی فرقہ ورانہ تقسیم واضح طور پر دیکھی گئی۔ سنی عقیدے کے ماننے والوں نے منگل کو عید منائی جبکہ شیعہ عقیدے کے پیروکار بدھ کو عید منارہے ہیں۔ اس طرح عراق میں سرکاری طور پر چار کے بجائے پانچ چھٹیاں رہیں گی۔

سب سے زیادہ آبادی والی مسلم ریاست انڈونیشیا میں لگ بھگ دو ہزار افراد نے خیموں میں عید منائی۔ یہ افراد ماؤنٹ میراپی کے آتش فشاں سے نکلنے والی راکھ اور دھوئیں کے بادلوں کی وجہ سے گھر بار چھوڑنے پر مجبور ہیں۔

DW.COM

ویب لنکس